ياسلام الله سلامن على مله ودين=من هجوسن لوتبا حاجتن تاصلها
انت وينك ياجلاه اقرب وكمل ثنين=والمخايل لاتعدي قبل تفطلها

مرحبا بأهل الوفاء مرحبا بالطيبين=مرحبابك والمعاني نعرف نحلها !!
فتح عيونك مادام إلولي معطيك عين=الكبود إن علها والدروب ندلها !!

البقا ياللي ترحب واخذلك كلمتين=حسب نهج القوم والثابته تدلها
انت مدري مع يسار العرب ولا يمين=وان حداك عنادها قول وش تعملها

كيف اهرج لي ولد ومتخفي مايبن =مابقي لك غير ركعه وقوم وصلها !!
والله إني مع هل العرف ضلعي مايلين=كان في تملك لك سيوفٍ شطيره سلها !!

يالعصيمي كلنا من عتيبه ياذهين=مار شطحات العقل ياولد فرملها
انت دارك وحده لكن الجيش جيشين=ودها بالدار ياصاحبي تحتلها

واجب إنك تظهر إسمك يابوقلبٍ فطين=لو تقول إنك جمل والحمول أشتلها !!
صفنا واحد ولا يفرحون الشامتين=مل عينٍ مثل عينك حقوده ملها !!