يامرحبا ترحيبة ٍ ترسي على سبع البحور = من طيبها تلغي تراحيب الجماعه كلها
الضابط اللي علّق الرتبه على جنود المرور = ليته مع آخر خدمته بعض العرب يفطن لها

دام البقا رديةً تشرح مغاليق الصدور=مافيه عقدة فالصدور الا تجيك بحلها
اصبر لوقتك مثل صبر ايوب وتزين الامور=لابد يظهر للعرب دق العلوم وجلها

الله يعز اصحابك الغالين وافين الشبور = لكن ّ خلك في ذراها واستظل بظلها
من بعد مابدلت جلد الذيب في جلد النمور = يمكن ذياب الظلع في تال الزمان تذلها

من فضل ربي ماقضيت العمر في ظل القصور=اشب ناري من زنادي والدروب ادلها
المشكلة فاللي سرى ليله على عشرين شور=وعروق قلبه كل طاري لا طراله تلها

لو الاشدّه في يدي مدّيت لصحابي جسور = اغنيتهم عن المسامه والدموع وهلّها
المشكله فاللي مع العالم ماحصّله عبور = يااصحابنا ياللي ورا الحفنه مراتع بلّها