سلام رديه كما بيض السيوف=اللي تنومسني رهيف حدها
مقهوي البارح بعد جوه الضيوف= وزى بعشه واندعس في سدها

يامرحبا ترحيب ماهو للضعوف = وان جاتني في واجبي ماردها
اليا نصاني ضيف اذكي له خروف = لو كان بعض الناس ماهو قدها

ياصاحبي حط النقط فوق الحروف = ترا الخطا ماينحسب ظمن الدٌها
السالفه مابين شعٌار وصفوف = لاتكفي الطاسه ونفسك هدها

السالفه ماهي بهزات الكتوف= ماهي بجيب صحون والا ودها
السالفه مابين حاذف ومحذوف= حذفتني حذفه يا كيف اصدها

مدٌ النظر فوق السماء وانظر وشوف = غير السماء عينك بلاش تلدها
ماجاك غير الي حذفته بالكفوف = اكسر ذراع الي يديه يمدها