هلا يامرحبا ترحيبةٍ ترفع كما الاعلام = من بنوك الغناه اللي تربّح من يعاملها.
ابو سلطان عينه لليمن والقلب يم الشام = ولاادري وشهي اللي يامره حظه وياصلها

اقوله بالنيابه يالعصيمي والوعد قدام=يدوم الك البقاء من بادع الكلمه وقايلها
يغيب الغايب وعذره معه وان غاب مايلام=عسانا في غياب اهل الوفاء نقدر جملها

بعد ماجيت ياناصر هلا وحزام ضد حزام = تعين فالدروب اللي تناسب لك وواصلها.
يصح الصح واهل الصح مايلحقهم استفهام؟ = وانا خابرك شاعر عرف والوقفه تكملها

علامك يالعصيمي مابديت بسنة الاسلام=وانا خابرك يامال الغنيمه ماأنت جاهلها
عليك تحضر الاوراق وانا احضر الاقلام=وهات الكلمه اللي في ضميرك لجل اسجلها

ترانا ماقصرناها هلا تكفيك يالضرغام = ولايحتاج اكررها واسجلها واحللها.
لكن الليل عوم البحر ياللي للبحر عوام =نبيها تشتعل لو الثعوول يهل هاملها.

انا ما قلت حلم ولانباك تفسر الاحلام=اباك تلد فيها يالعصيمي لاتخيلها
على مايسر الله احتزم بالفارس المقدام=تراه يصارح الفرسان مايعرف يجاملها

ليا لديت فيها وانها عذراء وبنت حشام =بغيت ارمي بكلمه قلت لا ماني بقايلها
توكلنا على الله يالعتيبي يوم طيرك حام=لعل الله يسهلها ونبعد عن مشاكلها