قادح شرار الي ثلاث اشهور اشوفه مركبه = يبغا الفضا لكن عنده مشكله ما حلها !!
اندري انه يلزم الميقاف ويسد اطلبه = وانا علومه لو يزعلني ترى ماملها !!

وفواز من يومه صغيـّر والده ما أدّبه!! = وأنا أترفـّع عن علوم ٍ .. شايفه يحفرلها
أنا أحمد الله مسلم ٍ متمسـّك ٍ في مذهبه = وااصل مواصل ..لو يطول الوقت ما تاصل لها

اقول ثور اللي تشوفه قال خنا نحلبه = اقول عان الدرب ويقول الدروب ادلها !!
هل تعلم ان النحل لايخرج بدون المسربه ؟ = هل تعلم ان الغيث لاناش البسيطه بلها ؟ !!

إن كان ما عندك يا أبو عايش سوالف طيبه = فارق قبل تضوي مصيبه .. ثمّ وش تعملّها !!
و إن كان ما تقدر لسمّ الداب ولا ّ العقربه = فز بحلالك والرجال أهل المواقف خلّها

يالشاعر اللي في زحام السوق ضيع مكسبه = ليتك تميز فالسوالف دقها من جلها !!
كلن ترقا وارتفع من مرتبه لا مرتبه = الا انت تمسح فالدموع اللي من امس تهلها !!