نسبة الشك ما تلحـق مـداك ومـداي=يا بعيد النظـر خلـك بعيـد النظـر
عظم الله عـزاك وعظـم الله عـزاي=في زميل القصيد وفي زميـل العمـر
مير أبعطيك راي وبستمع منـك راي=بعد اخذنا مـن الدنيـا دروس وعبـر
كل قصدي بهالدنيـا وغايـة منـأي=في بدايـة عمـر والا نهايـة عمـر
اشعر اني كسبت ارضى جميع ازملاي=وارجو ان المواصـل بيننـا يستمـر
واحتفظ في غلا اصحابي وتحفظ غلاي=ولي وقار وقدر ولهـم وقـار وقـدر
كم صديق رحل منا ولا هـو بجـأي=غيبتـه المنيـة والقـضـا والـقـدر
وأتمنى مـن أصحابـي تلبـي نـداي=ولك سلامي يا بو فيصل وكل الشكـر

ياحميد السجايا ليش تبحـث خفـأي=وانته اللي عن الاحوال عندك خبـر
واعلم أني عن الزلات اقصر خطاي=واحتفظ بالمودة لـو ادوس الخطـر
نظرتـي للأمـام ولا اتلفـت وراي=وكم تجي زلة وارمي بها في بحـر
والله اني حزين ومن عناي وشقـأي=احضر اغياب اخويه بعد موته حضر
ايه اخويه ولو ما صدقوهـا عـداي=عشرة العمر أخير من الذهب والدرر
مير يا بو محمد وانت قمـة رجـأي=دام شرواك حي الي الفخر وافتخـر
نية الخير ارضي والمـروة سمـأي=واقتدي بالنجوم اليـا بـدت والقمـر
أنت راس المروة وانت اعز اصدقاي=وانت سلطان بن وسـام بالمختصـر