علموه هذال بكره ثم تبيعه=وضعنا طيب وحنا طيبيني
مانقصر يابوبندر في الوديعة=الوديعة وسط قلبي وسط عيني
كل طيبا نشترية ولانبيعة=والامر للة والقاسى يليني
مالحقنا شك ياصدورن وسيعه=التحشط ماحصل بينه وبيني
الجزاله عند ابوبندر طبيعه=والطبيعه ماتغيرها السنيني
ورثت اجداده ماهو راعي صنيعه=من عيال العود ذباح السميني
مزارقن فى الطيب ماسكرت ريعه=مايغيب الطيب عن ذرب اليمني
راعي الهقاوات دايم فى الطليعه=والله انا من تاخر كل حيني
سلم اهلنا مابدعنا بديعه=الرجال الطيبه دنيا والديني
رفقت الطيب مع الطيب رفيعه=ماعلينا من سلوب الحاقديني
من يسب اهل الوفاء والله ماطيعه=الرجال اللي مواقفه تبيني
ميرذيع العلم يامغمور ذيعه=ماتخلى عن دروب الغانميني

الشاعر سعد المقاطي



صح السانك وفالك الطيب



وتقبل اعجاب

المشاركة الأصلية كتبت بواسطة السميــــــري (المشاركة 790540) الجزاله عنـد ابوبنـدر طبيعـه والطبيعـه ماتغيرهـا السنينـي ورثت اجداده ماهو راعي صنيعه من عيال العود ذبـاح السمينـي ياسلام ياسعد .. مبدع دائما في طرحك ..

المشاركة الأصلية كتبت بواسطة هايل الهيلا (المشاركة 790866) مزارقن بالطيب ماسكرت ريعه = مايغيب الطيب عن ذرب اليميني الشاعر سعد المقاطي صح السانك وفالك الطيب وتقبل اعجاب

المشاركة الأصلية كتبت بواسطة هـايـل الـعـتـيـبـي (المشاركة 791027) سعد المقاطي... صح لسانك ...ولاهنت على القصيده الطيبه ... ولاتحرمنا قصيدك يالذيب...

المشاركة الأصلية كتبت بواسطة أبو مناسيب (المشاركة 791637) الله الله ياسلام عليك ياسعد صح لسانك يامبدع تحياتي