سلام والمعنى جبل يرهق هل المعنى صعود=والشاعر اللي فيـه قـدرة فايقـة مايرهقـه
يالجلد الابيض كيف واللي يلبسون الجلد سود=الوقت هـذا قيـد الاحـرار والعبـد عتقـه

يـا مرحبـا ترحيـبـةٍ دايــم مراقيـهـا سـنـود=والسر فـي جـوف الضمايـر والضمايـر مغلقـه
ليت الزمان اللي مضى يا الشاعر الغالي يعود=حتـى نميـز كـل كوكـب مغـربـه مــن مشـرقـه

مطلق توفى وانت جيت وعود في عين الحسود=لكن عساك تشيل سبحـة ماتجيـب المطرقـة
كثرت وعودك مير وش كثر التزامك فالوعود=والا ماغير علوم في مجلـس وحبـرٍ فورقـة

مطلق توفى بعد ما رسم على الديره حدود=وانا ولد عمه ولا تقرب لحبل المشنقه
حنا سياستنا نعل كبود ونداوي كبود=واللي سواتي لا هرج واجب علاك تصدقه

ماودنا نحكم عليك الين يخضر كـل عـود= بعدين نحكم هو ثقة والا ماهـو قـد الثقـة
عدل كلامك لايجي فالسالفـة نقـصٍ وزود= خابرك مايضحك حجاجك لين نعطيك صدقة

والله لو نحسب سواليف الحضارم والزيود=ما كان نسكن فالقصور وغيرنا ف الصندقه
ناصل هدفنا بالرضا ولا بقدحات الزنـود= كم واحدٍ نافخ ذروبه بعدهـا راح مرقـه

لا ضقت منا يالثبيتي واجذبك عرق الجدود=ثنتين تحكم سيرة الرجال :عِرقه وعرقـه
سماك مافيها مطر ماغير برقك والرعـود=مانته مهون من عنادك لين مطلق تلحقـه

حنا ليا ضقنا ورزينا العلم فوق العمود=ابعير نقدر نعقله وبعير نقدر نطلقه
لو كان ماني عمكم ما كان جيتوني وفود= ياربعنا ابراهيم فعلة مايطابق منطقة

المشاركة الأصلية كتبت بواسطة سـامــي النفيعي (المشاركة 767567) وافي الخماش ... لاهنت على هالمحاورة الرائعــة والقويــة ..بين كلا الشاعرين ... وخاصة المنصوري إبــدع فيهاااااااااااا ...وشكرآآآآآ

المشاركة الأصلية كتبت بواسطة قادح شرار (المشاركة 767573) لك كل الشكر يا وافي .... والمحاورة رائعة .............. وتراك طوّلت الغيبة ........ تقبل مروري .

المشاركة الأصلية كتبت بواسطة فهد الزهراني (المشاركة 767702) بيض الله وجهك يالغالي محاورة راقية ورايقة وشعراء راقين ورايقين تسلم ولايسلم رديء العزايم ... تحياتي لكـ

المشاركة الأصلية كتبت بواسطة بدر الكريزي (المشاركة 767704) لا هنت يالخمااااش .. محاورة قمة .. إستمتعنا بالحضور ..