ابو تركي تالي الايام جاين فيه خله=ما هقيت انه يسويها ويرسله وصيه
حاول يشيل الجبل مار الجبل مرسي محله=من يخطط في ظلام الليل ما ينشي سرية

ماتثبت حجةِ بين العرب من دون ادله=ولايحصل من وراها لاكثير ولابليه
ودنا نجلس معك وكتابك المطوي نفله=لين نقرى ماكتبته بالحروف الابجدية

الدعاوي ثابته ومثبته والهرج خله=يشهدون اهل البلاد اللي توصيهم عليه
كيف تاتفهم كلامي بعد جحد العلم كله=ما خبرنا واحدٍ يطعن بلا عرف وقضية

لاتعقد الحبل ثم بعدين ماتقدر تحله=كيف اوصي وانت مثل السبحة اللي في يدية
ماجهلت الموس في كفي وراسك لاتبله=خلها تبقى معك شرهة خويِ من خويه