سلام يالعتبان تسليم كله خير= واللي يوردها لازم يصدرها
كثرو على الطرقات من يعكسون السير= لكن مدامي جيت والله لادمرها

يامرحبا ترحيب وافي بلا تقصير=واللي يبا الطيبه لازم يدورها
اللي ركب ددسن واللي ركبله عير=احلامهم تفرق ياللي تعبرها

دام البقا لكن باوضاعكم تغيير = اشوف ليه ناس ماني بخابرها
احلامهم عندي ماالقى لها تعبير= كود اني امسك لي بندق واثورها

المجتمع يرقا عقب البعير يطير=يطيح فاشلها ويطير شاطرها
ان كنت متمكن فالعلم والتفسير=احلام خلق الله حاول وفسرها

الدولة العظمى يبغى لها تطوير = يامن من عتيبه يقدر يطورها
اللي يهد طويق واللي يهد النير= وشلون يامعجب هذي نصورها

الدوله العضمى فيها الوفا والخير=والناس يارجال بالزين تذكرها
نور القمر والشمس مايحجبه كم طير=واذا فهمت القول فكرتك غيرها