انباء عن ايقاف فلم سعدون العواجي
 

خاص (السعودية نيوز) الرياض :
ذكرت مصادر خاصة لـ(السعودية نيوز) من شركة الريف للإنتاج الفني التي تتولى انتاج مسلسل يحكي سيرة الشيخ سعدون العواجي "رحمه الله" احد مشائخ قبيلة عنزه العربية المعروفة .
بأنه بصدد ايقاف بث المسلسل الذي اثار جدلا كبيرا في اوساط قبيلتي عنزه وشمر ،وذلك بسبب ان القصة تحكي الصراع السابق الذي كان بين القبيلتين قبل ان يستتب الامن تحت قيادة حكومتنا الرشيدة .
واكدت المصادر ذاتها بأن احد الشخصيات السعودية المعروفة قد اشترى المسلسل كاملا وذلك لأيقاف بثه على اي قناة تلفزيونه اي كانت .
(السعودية نيوز)كانت في اتصال مع الشيخ صالح الامعط العواجي احد شيوخ قبلية عنزه والذي ابدى متعاضه الشديد من عرض المسلسل وذلك بسبب انه يثير الفتنه ويعيد احداث قد اكل الدهر عليها وشرب .
وقال العواجي: بأنه قد رفع خطابا لخادم الحرمين الشريفين الملك عبدالله بن عبدالعزيز والىصاحب السمو الملكي الامير سلطان بن عبدالعزيز ولي العهد وسمو وزير الداخلية وسمو الامير سلمان بن عبدالعزيز ،للتدخل في ايقاف المسلسل .

المصدر

http://www.sunews.org/news.php?action=show&id=38



منقوووول


.

بيض الله وجهك


وبيض الله وجه الشيخ الامعط العواجي قول وفعل

والله يرفع مقداره

وبهذي المحاوله يبين لنا مامدى وعي شيوخ عنزه انعم ابهم

المنتجين الاردنيين والسوريين اهم شي عندهم المصاري ولا همهم الفتن اللي تصير بين القبائل
والمشكله من يظمن المصداقيه
التجارب السابقه اثبتت انهم يحرفون في التاريخ لجلب الاثاره على حساب الحقيقه
والكتاب الذين يكتبون مثل هالمسلسلات غير متخصصين ولايفقهون في التاريخ شي ولا يعرفون كيف يتلقونه

يكفي تحريفهم لمسلسل الزير والخدش في سيرته فكيف يصورونه بانه ينتهك عرضه وهو واقف يتفرج ولا يعمل شي
وكيف يقدمونه وهو مهان ويسحب بطريقه مخزيه
ياليت كل ابناء الاسر يرفضون مثل هالتلاعب بالتاريخ من هؤلاء التجار الذين ليس لديهم امانه وهمهم الاول والاخير
كسب المصاري وباي طريقه

طيب يالعفار وش يظمنلك المصداقيه
احيانا يسيئون للشخصيه اكثر من نفعهم لها
تدري ان احفاد نمر بن عدوان متظايقين من المسلسل اللي عرض عن نمر
لانهم صوره يتبكبك اربع وعشرين ساعه مثل النسوان
واساؤاله اكثر مما خدموه
القائمين على هالمسلسلات اردنيين وسوريين وحضارم لا يفقهون في التاريخ
واحيانا يضرون اكثر من ما ينفعون لان هدفهم تجاري بحت ولا عندهم مصداقيه وامانه علميه
حتى الصحابه شوهو صورهم

الحمدلله يالله عساه يتوقف


والله اني ودي انه يتوقف

لايخفاكم ان هذولا الممثلين والمنتجين ماهمم شي غير الفلوس



هذولا يالربع مايهمهم وشلون تتطلع الشخصية


نر بن عدوان صحيح اضناه الوجد لكن ماهو مثل اظهروه بالمسلسل يتبكبك مثل الحريم



ومن مواقفهم السخيفه في المسلسلات واللي مايخلونها


لقاء بين محبين على جال الغدير


بيت من شنق واحد ومقطع ووجهته مهي مثل بيوت البدو

لان عنزة تحطها من الشرق للغرب يكون الرفه شرق

الامر الاخر حلالهم بس الغنم لانهم يتماهنون يجيبون ابل وعنزة اهل ابل ماهي شوايا


الامر الاخر لاجاك الشيخ قافلة اخلاقة جلس بالرفه بصدر المجلس القهوه يافلان

يجيك القهوجي بدلته اللي ماهي دله مدري وشلون قايله يصب فنجال فاضي وتسمع الصبه البارده من وجه بارد



الحمدله انهم وقفوه يالله عساه يتوقف الله لايتمم لهم بخير



شمر وعنزة مثل الاخوان هذولا يبون يشبون الفتنه

بيض الله وجهك


وبيض الله وجه الشيخ الامعط العواجي قول وفعل

والله يرفع مقداره

وبهذي المحاوله يبين لنا مامدى وعي شيوخ عنزه انعم ابهم

وبيض الله وجه الشيخ صالح العواجي وان شاء الله يقفلونه...

وان شاء الله يوقفونه
لدرئ الفتن