هجوسي ياهجوسي صخريلي شرد القيفان=ابي قافٍ مع الشعار يجملني واغنيبه
ترا الي مايجمل جيبته عندالعرب نقصان=تنقيلي جزيل القول والاالهزل ماليبه
توكلنا على الله واستعنا باسمه الرحمن=سلام الله على ضيوف الحفل وايضاً معازيبه
تحيه طيبه تنساق بالتقدير لضيفان=باسم جامع امير الفوج هلا والفين ترحيبه
ارحب في وجوده لاعدمنا شوفته ذيبان=وابارك له ولافيها غرابه يوم تنصيبه
يقينٍ ضامنه من قبل مرسومه من الديوان=على شان الوفامن طبع ابومتعب واساليبه
ملكناصاحب الاحسان جزاه الله بالاحسان=وفا مع شيخنا الراحل قبل دنياه تقفيبه
وفاعقبه مع اعياله وعين الكبر الشجعان=اثنين من اكبر اشبال الفقيده حاتم عتيبه
محنكهم على كل الدعاوي باشة الشيخان=ابوخالد عسى الله يرحمه معنابقى طيبه
فعوله باقيه معنا باسم جامع واسم سلطان=علاهم منه علم وحلم وطيب الراي والهيبه
مجاذيب العقاب من المجاني تنتج العقبان =ولابه طير غير اصله يعود من مجاذيبه
وبعدما غاب نجمً من سمانا في سمانا بان=كماه من النجوم الي تعلا في مراقيبه
والياسقت المدايح فيه يستاهل وانا فهدان=هذا جامع عسى ربي اله الناس يبطيبه
على قيد الحياه مشرعٍ لضيوفه البيبان=تنصاه الرجال ولايحسب كم صرف جيبه
وكمالضلع الطويل وفي حجاه لقاصده مزبان=ليامن وصله المطلوب عده خاب طليبه
وثوب الكبر مالبسه ولاجره مع الخدان=كبير الجاه مانقص التواضع من مراتيبه
هذا هوديدنه عسى يبقى للفخر عنوان=جمع كل اسمات الطبيه والطيب ضاريبه
وله نهج العداله فالعمل مايصغي الميزان=تساوى فالعمل عنده بعيد الناس وقريبه
جميع افراد فوجه كلهم عنده تقول اخوان=ولايقبل تهاون فالعمل والحرص يوصيبه
ومن باب التسامح ياكثر عفوه عن الغلطان=وكم من واحدٍ كب التلاعب عقب تاديبه
هذا موجز وفي مثله لون الشعر بدعه زان=لكنه صعب يوفي مثل ابوتركي مواجيبه
وانا ماقلتها من شان ولاشان ولاشان=سواء من شان مدح الي ينومسني تعزويبه
بيوتاُ قلتها من هاجس افكاري على الأوزان=ولاني جاهلٍ في صرف معناها وترتيبه
بديتبها باسم جامع وابختمها باسم سلطان=نيابه عن وكيل الفوج هلاوالفين ترحيبه

المشاركة الأصلية كتبت بواسطة عبدالله الجـــذع (المشاركة 698879) الله ..الله ..الله فهيد صح لسانك على هالجزله الرائعه افقتقدت قصائدك لفتره ولكنك عدت بالغنائم والجزاله والشيوخ يستاهلون كل خير الف شكر لك يالغالي ننتظر جديدك محبك .,

المشاركة الأصلية كتبت بواسطة فيصل المسعودي (المشاركة 698881) هلا بالغالي هلابه يستاهلون عيال حاتم عتيبة المدح وأن شاءالله انهم خير خلف لخير سلف وعسى من جابهم في جنات الخلد مع الحور العين صح لسانك جزالة غير مستغربة ووفاء غير مستغرب من شخص تعودنا منه ذلك أدام الله بعمرك وعمر عيال ابن جامع على طاعته تحياتي

المشاركة الأصلية كتبت بواسطة محمد الحميدي (المشاركة 699033) بارك الله فيك على القصيدة الجزلة وبارك الله للشيخ جامع بن عبد العزيز بن جامع المرتبه الخامسة عشر والفوج الخامس ولأخيه سلطان وجعله الله عون على طاعته ورحم الله فقيد عتيبة حاتم زمانه واسكنه فسيح جناتة اخوكم المخلص / محمد الحميدي

المشاركة الأصلية كتبت بواسطة مرقاب (المشاركة 699145) صح السانك يا فهيد وجزله من جزل :) .. .. .. .. مرقاب