ابن جوباح يطلب طلب لازم نلبيه=وراع الطيب لامن طلب محدٍ يرده
يابن جوباح الي فوقكم عدة مشاريه=سلامك ليش لاجيت يمي ماترده..؟

على معجب نرد السلام ومقصده فيه = ومعجب مع هل العرف بفعوله نعده
سلام ٍ حسنته ما تخارج من مساويه = أخاف آقوله ويختلط مزحه وجده

ابن جوباح يبغى الصحيح وصار يخطيه=وعلى الدرب الخطا يالربع محدٍ يحده
ترا المسلم على نيته دايم مماشيه=وكلٍ في حياته مشى دربٍ يوده

ليا صار الخطا في حساب ريال وجنيه = معي وجهة نظر وانت جيبك كم يسده ؟!!
نوايا الناس ماهيب سوا واعطيك تشبيه = احد يبني جدار السكن واحد ٍ يهده