سلام تسليمتن تمشي عداله = أمنظمة ماتجي عكس النظامي
أنا زميلن متيم بالزماله = لكن ماني مفرط في حزامي

من بعد ماشفت مظمون الرساله = يامرحبا وانت لك كل احترامي
لو الزماله لها بنك وحواله = ارسلتها للفقرا والظوامي

دام البقاء وأنت رجال الجماله = أنته من اللي يسدون المقامي
حط أحتمال الوفاء حط أحتماله = ولا شكيتك على الشيخ الزلامي

الطيب والله مانقطع حباله = بالفعل ولا بتصريف الكلامي
ماودٌنا نشغله رايح في حاله = تلقى الوفا بالكمال وبالتمامي

البرق يابرق لكنه في خياله = رش المطر ماوصل عند النوامي
ياوارد العد تشرب من زلاله = أنته كريمٍ على نهج الكرامي

أحمد الزايدي

صح بدنك شرفني مرورك يالغالي

لك كل التقدير

لن خيٌلت وامطرت بامره جلاله = بامره تهل المزون من الغمامي
ترا الكريم الذي ساقت دلاله = ماهو بحسب القبيله والاسامي

يابن حبيب الشهر بيّن هلاله = والدهر دوار عامٍ بعد عامي
البن فنجال والشاهي بياله = وأنته مرامك تطابق مع مرامي