يا مرحبا بالشاعر اللي كل ما جاله مجال =إتردّد الالسن على طول ( ونعم بالمرشدي )
ترى الهدف مركوز في راس الطويل من الجبال=في راس ضلعٍ ما يصيبه غير كل بواردي

دام البقاء يالشاعر اللي كل ماغنا وقال=معه اكثر الشاعر فالميدان لقام تغدي
لا يبعد ناس تقول القول من نسج الخيال=باذن الله المعبود لصيبه واجيبه في يدي

إبن الحلال اللي يبا يالمرشدي بنت الحلال=طاح و تعثّر و آخر الايام حظّه مرتدي
ليته قعد عقيم ما جاله بنات و لا عيال=ما فاد راسه خلّ ذخرّه ... و انت تعرف مقصدي

بعض الحمول حمول ماتشتالها بعض الجمال=وش لون تسري ليلها والليل ليلِ سرمدي
يامجمل الموضوع ياهم الجواب من السوال=ياسهيل تبقى في فلكك تدور ويدور الجدي

يالمرشدي ما عاد تنفعك الحيَل و الاحتيال=موترك خبّط ما يفيدك لوّ لمّعت البدِي
العام ترسم لك مشاريعٍ عريضاتٍ طوال=واليوم بالخوصه تبا تذبح مثل ذبح الفدِي