الهيـــــــــــــلا *** منتدى قبيلة عتيبة - سليمان العنيني الجهني وحبيب العازمي (قمه)

هذه محاورة بين الشاعر سليمان العنيني الجهني والشاعر حبيب العازمي
في قصر البساتين في الطائف العام الماضي

]سليمان العنيني-
يا سلام الله سلام رفيع مستواه
للرجال الحاضرة والسعد يبرالها
يا حبيب شفت براق مدري وش وراه
في مخايل كل ليلة يزيد خيالها

[حبيب العازمي
يا هلا يا مرحبا ومن كتب خط قراه
وابرك الايام ليلة يهل اهلالها
الخيال تخيله وانشد الي ذاق ماه
ويا لعله ما يجي للقرى يشتالها

[سليمان العنيني::
يالعلك للبقاء واعرف الجرح ودواه
واعرف لمضهارها واعرف لمنزالها
مابقي للصبر باقي لعلك للغناه
الحمولة مالها الا يكود جمالها

[حبيب العازمي
نعرف ان الموت راحه بعد ضنك الحياه
لكن بعد الموت نفس تلاقي اعمالها
يا جهينة ما قدرتم تدفون الحصاه
والحصاة مدرمخة ما يطول ضلالها

]سليمان العنيني]
القضية روحت روحة مقيط ورشاه
كان ما رجعت غترة حمد لعقالها
ربعي جهينة رواسي كما جبال السراه
والمحطة لا تشوش علينا إرسالها

حبيب العازمي:
القضية با قية والتصرف للقضاه
كل نفس تقتل المحكمة قتالها
ماذكر لمسيلمة لصيام ولا صلاة
يا كريم ارزق جهينة وعدل حالها

[سليمان العنيني :
أنت تضحك ياحبيب وقلبك في عناه
تهت عن عقالها ورحت مع جهالها
ابشر بخصما يلصق لسانك في جماه
والعلوم تباين اقصارها واطوالها

حبيب العازمي:
رحت مع عقال واجد ومع خصمي هذاه
والهنوف الملعبة لكن انا رجالها

سليمان العنيني:
كب عنك الغطرسه وانشد رجالا ثقاة
وان نغزك إبليس للخيل ياخيالها