أسر ياليل والدعوى رحاً تستدير = مايقف للزوم ألا رياجيلها
اسمعوا ياعتيبه واسمعوا يامطير = النشاما تكيل ولا نقص كيلها

ضف ريشك ياطير مع الخضيرا وطير = لحيةَ ترتضي بالهون ياويلها
اسمع العلم الاول ماسمعت الاخير = دلة الكيف دورتها فناجيلها

انت ماشفت يوم الصقر حوّل مغير = الحبارى من الراعه برد حيلها
من تسمّع كلام ابليس ماشاف خير = كل ما ماتت الفتنه يغنيلها

السوالف كثيره وانت عندك كثير = خلها ترتعد ماني بباكيلها
ياحزام الرغى ماهوب مثل الهدير = من يقالب حصاة ارزاح ويشيلها

انت في العلم الاول ماتبى لك خشير = مار الابطال ماضاعت معاديلها
مانجي للنشامى فالمقام الضغير = مار قوم ابرهه مافادها فيلها

اعشق المرجله والحظ دايم كبير = من تدوّر وراي حقوق مضحيلها
والله انى نعرف الكذب حبله قصير = والعرب مقفيه وشلون اناديلها

انت لو كنت في دعوى العرب تستشير = كان مامدّت الشلّه درابيلها
الحموله ثقيله شلّها يابعير = واخبر مطير لا تطفي قناديلها

كان عرفي ماقدّاني فلا فيّ خير = والعرب لو تدربل ويش غاديلها