المشاركة الأصلية كتبت بواسطة قادح شرار (المشاركة 636026) يا هــلا مرحبا ياللي زهمتوا عليّـه === والله أعلم بقلبي وأنت رجّال غـالي جيت ناوي تبى تلعب وهي خير جيّه === قـدّم اللي تــريده لو حمولك ثـقالي

لك معزه ياقادح ونت رجل نزيه= خوتك يارجل تسوى حلالي ومالي
أنت وافي ياقادح من رجال وفيه= ياكرم الأصل منته محصل مجالي

المشاركة الأصلية كتبت بواسطة قادح شرار (المشاركة 636049) خـوّتك تـنـشرى وأعدها لي هديّه === الله إنــه يـديمـك يا كريــم السبالـي ويـش رايك نغيرها ونمزح شويّه === بعد مزح ٍ بوسط القلب توّه طرالي

لا تحاول تفرنك ثم تطيح ابيديه= مابا أجامك يارجل ياهملالي
أمزح أبماتريده والبساط أحمديه= مانت خاسر جنيه ولانت خاسر ريالي

المشاركة الأصلية كتبت بواسطة قادح شرار (المشاركة 636096) أنـت جــاي ٍ فبـالك تـسافـر أسكنـدريّـه === مير طحتوا بحــفرة وسط جرف ٍ هيالي طحـت فـي وسـط حفرة مثل مقلع طميّه === منـت طـالع ياكـود أشوف دمك سيالي

السفر من نصيب أهل الوجيه النديه=وأنا ماحب أسافر جالس مع عيالي
مايطيح الرجـل وهـوعـزومـه قويه= الجـبـل في مكـانه باقـي ولايزالـي