الهيـــــــــــــلا *** منتدى قبيلة عتيبة - دلابحه والعرق يرجع لروقي !!!!!!!!

- قصائد الأعضاء (http://www.otaibah.net/m/forumdisplay.php?f=10)

- - دلابحه والعرق يرجع لروقي !!!!!!!! (http://www.otaibah.net/m/showthread.php?t=67740)

دلابحه والعرق يرجع لروقي !!!!!!!!

السلام عليكم ورحمة الله وبركاته

اتمنى تقبل هذي القصيده التواضعه الي حاولت ان اوفي فيها حق المقصود لكن حق المقصود اكبر من كل القصايد والكلام

جيت اكتب الابيات من حر شوقي ×××××××××××××× والفكر جاب الصافيات المزاهيـب

بـالي فـعـايـلهـم فـعـولـن تــفـوقـي ×××××××××××××× كـل الفـعـول الـطيـبـات المعـاذيـب

دلابـحـه والـعــرق يــرجـع لـروقـي ×××××××××××××× مثل الجبال الشامخـات المراقيــب

اهل السيـوف الي تسبـب شقـوقـي ×××××××××××××× وسط العدا من قو هاك المضاريب

والـي يـخـاويــنا لـزومـن يـروقــي ×××××××××××××× بـيـروق بـالـه بالـعـلوم المهـاذيـب

نـوفي خـوي الـعـز كــل الحقـوقـي ×××××××××××××× نـوفيه فـي حـقه جـميع المطاليـب

والـدلـبحي بالطيـب دايـم سـبوقـي ×××××××××××××× يارد على حلو الـروا بالمشـاريــب

ولياء حصل بالناس ذكر الفروقـي ×××××××××××××× في لحظتن فيها الفعـول المغاليب

يذكـر عـلـو النـاس ذكـر البـروقـي ×××××××××××××× الياء ظهـر منـه المناظر مراهيـب

والي غـفل من عقبها يب يـفوقـي ×××××××××××××× فـوق الغـفيل الي تـرنـه مشاعيـب

هـذا كـلامـي طـالـعـن من عروقـي ×××××××××××××× من راسي الي حاسبن للمحاسيـب

تقبلو خالص تحياتي

ابو فيصل الدلبحي

والـدلـبحي بالطيـب دايـم سـبوقـي ×××××××××××××× يارد على حلو الـروا بالمشـاريــب

ولياء حصل بالناس ذكر الفروقـي ×××××××××××××× في لحظتن فيها الفعـول المغاليب

يذكـر عـلـو النـاس ذكـر البـروقـي ×××××××××××××× الياء ظهـر منـه المناظر مراهيـب

..
الله الله
والله ومليون نعم بالاد دلبح شلوت الكفار
صح لسانك مدد بلاعدد.

الله اكبر..

والله ومليون نعم بألاد دلبح..

أنا اشهد انهم يستاهلون الطيب وكل خير.

صح لسانك يابوفيصل...

ووننتظر جديد ابداعاتك يالغالي..

ونعم بخوالي الدلابحه

وصح لسانك يالغالي

مرزوق بن حمدان ياهلا ومرحبا ماعليك زود يابعدي وصح بدنك ومكشور على مرورك المشرف والي اعتبره دعم لي ولشعار المنتدى

عبدالله الجذع ماعليك زود يابعدي وصح بدنك ومرورك تاج على راسي

البناخي علي بن فلاح العضياني ماعليك زود وانا اشهد انك بناخي السعد

ومرورك يالبناخي اكبر شرف

تقبلو خالص تحياتي وتقديري

صح لسانك ولاهنت في مدحك لربعك وهذا اقل مايقدر يسويه الشاعر تجاه ربعه .

...
...

والله والنعم بالدلابحه وهم هل المدح ويستاهلونه

الشاعر نشاط الزلامي صح بدنك والرجال ملزوم في مدحه ربعه ولاله منه عليهم لنهم حزامه فالرخا والشده

ماعليك زود وهذا من طيب اصلك يابعدي ومرورك نفتخر فيه

وتقبل خالص تحياتي وتقديري

..

الله الله ..

صح لسانك يالدلبحي .. ووالله مليوووووووووووون نعم فالدلابحه .. يستااهلون المدح وهم اهله ..

وفي انتظار جديدك ..

:)

أخوك

ونعم والله في الدلابحة

والمدح في أهله غير مستغرب

الدلابحة اهل للمدح والفخر

صح لسانك

في إنتظار جديدك يالغالي

تحياتي

أخوك

فيصل النفيعي

..

الله الله ..

صح لسانك يالدلبحي .. ووالله مليوووووووووووون نعم فالدلابحه .. يستااهلون المدح وهم اهله ..

وفي انتظار جديدك ..