السلام عليكم ورحمة الله وبركاته

مشاركه بسيطه اتمنى ان تنال على استحسانكم والطارف سديد

ياسلام الله على الهيلا سلام مدوي = له صدى لو قيل فالعارض وصل للحره
جيت ادور شاعر جوه يوافق جوي = يمكن اني لو لقيته ماتضام الحره

مرحبا ترحيبةً بالدلة اللي تقهوي = تقهوي الخرمان وتكيّفه كيف يسرّه
جيت توّك يامحمد ثمّ جيتك توّي = هات علمك كان في جعبتك علم تصرّه

حياك الله يامشقاص ومتابعتك تشرف



حياك الله ياسمي

البقا ياراعي الدله وشب الضوي = لا تلوم المهتوي والكيف لله دره
قلت يالروقي انا بفعل وانا بسوي = واحسبك تاخذ براءه فاختراع الذره

لاتلّوي في علومك ياللسان الملوي = وكان سامحناك فيها لاتعيد الكرّه
الصقر من لايعرفه يطبخه بالمشوي = صاحبي محمد معه عقلً ولكن غرّه

البقا يابندر وصح بدنك
شكرا على مرورك و متابعتك تشرف

يامحمد حسن النيه اثرك مهوي = لاتشوه كلمة حلوه وتصبح مره
ضامني شاعر قوي وبلابته متقوي = وانا اشوفه خير من شارك في المغتره

يامحمد من متى وانته تخيل النوّي =وانت ماتملك حلال انته مربّي هرّه
وين وديت الصقور اللي تحوم الجوّي = الحقيقه عندكم منعكسه ومفترّه