ياسلامي سلامن فيه علمن جديد=ومن يعشق الجزيله ياعرب نالها
ودى بشاعرا قلبه سوات الحديد=ولاتهم اليال اقفاى واقبالها

مرحبا يامحمد ثم هات المفيد=هات جزل السوالف واترك اهزالها
جاك شاعر وراسه يامحمد عنيد=كلمت(ن)محتميها واحدن قالها

البقا يامرحب عقب جاك القصيد=والعرب تالي الايام وش حالها
خابرينك عنيد وجعل حضك سعيد=وكل عقده لها بالوقت حلالها

شوفتك يالعطاوي تعتبر يوم عيد=والجماعه بخير وطيب(ن)فالها
الهوايل مع الايام صارت تزيد=ذا ينزل حموله ذاك يشتالها