الهيـــــــــــــلا *** منتدى قبيلة عتيبة - قصة محمد بن فهيد الروقي مع زوجته مطيرةالشمرية

السلام عليكم ورحمة الله وبركاته

قصة محمد بن فهيد الروقي مع زوجته مطيره الشمريه

هذا القصه تبين اختلاف النسـاء

تـوجه محمد بن فهـيد الروقي العتيبي الى قرية قصيـبه ليحضر بعض

الغريـس وبعض انواع النخيل وفى الطريق جلس هو وأخويـاه لتناول

الغداء وكان غداهـم عباره عن قرص مـدهون بالـسمن وكان بقربـهم إمرأه

نرعى بغنـمها لايعرفونهـا قدمـوا لـها قطـعه من القرص ولكن رفضتـها

فتـركوا لهـا القطـعه على الشـجره وذهبـوا وبعد شـهر رجـعوا من نفـس

الطريـق ووجدوا قطـعة الخبـزه فى مكانـها لم تلمسـها فتعجب ابن

فهيـد من أمرها وكيف شـامة نفسـها مما يدل على انهـا من بيت رفيـع

فسـأل عنهـا فـأخبروه انهـا بنت بن سبيـله من عبـده من قبيلـة شمر

فخطبها وتزوجهـا وبعد الزواج ولاها كل امور الطعام والضيافه...وفي يوم

من الايام لفـى عليه ابن سلـيم من عـنزه ومعه خمسين رجال فجلس

معـهم طيلة الوقت لم يتحرك صاحب الدار من مكانه حتى قلط الغداء...

وبعدعامين مر ابن سلـيم ومعه خمسـه من الرجال على ابن فهـيد ولـكن

ابن فهيد على غير عادته فكان يجلس عندهم ثم يذهب الى داخل الدار

ويرجع يجلس شوي ويذهب الى داخل الدار وبعد ان اكرمهم قال ابن

سليم يابن فهيد انت مختلف عن أول كنت فى السابق تجلس ولا تقوم

من مكانك حتى تقلط ضيوفك والان كل شوي تدخل وترجع وش

السبب..قال ابن فهيد أنا اقولك زوجتي السـابقه توفت وزوجتي الثانيه ما

تعرف تدبير البيت الا لما اقولها سوي كذا ومن ثم انشد هذه القصيده:

************************************************** ***

اطلب عسى الجنه منازل مطيره = حيث ان بها طبع على البيض ماصار

ما معجبن زينه ولو هي نظيره = قصدي تنومسي الى جون خطار

مع زينتها الوافي بها زود سيره= دبره وعرف وكل شي بمقدار

لاجو على هجن من ارض الجزيره = تعومسوا عنهم رديين الاشوار

ان جييت للمطبخ ايلا فيه نيره = تلقى الحطب عندها تقل شغل نجار

ماهيب مثل هالدعلة المستديره = يجي العتيم وطامي القدر مافار

يدلاك وين اللي خطاهم قصيره = من جيته ما قط طلعت من الدار

ياعنك مايسمع نباها قصيره = ولاقط شفت الغيض منها والاكدار

الا ومع قصرة اخطاها ستيره = جتنا وراحت ماسمع صوتها الجار