مع غروب الشمس والمسرى طويل = والنجوم يخيب منهو يعدها
ما أجيب العلم من تحت الشليل = وكورتي بالقول محدن صدها

مع غروب الشمس يعني وقت ليل =هد روحك هد روحك هدها
منت يامورخ محقق مستحيل=لاتحدى ناس ماانت بقدها

انتبه وافهم وعلمني الدليل = ومد يدك يالسنافي مدها
من يحب الزيف يرجع بالهزيل = ولو يمد اليد يلقى ردها

ايه اعلمك الدليل ولاتميل= واليد الطولى تصلك شدها
انت من وين انت يالقرم الاصيل=كل قومن ودي اعرف جدها

ارتفع جوء التحدي والصهيل = منت صاير يالسنافي ندها
وش تبي خل المزارع والحصيل = والبشر لا شك تحصد كدها

قبل سمعك يفجره رعد المخيل=الاذاني بالاصابع سدها
دام ربعك مالهم ذكر جميل=مانلومك لو تخفي عدها

انت طبعك مثل أطباع العميل = خان ربعه يوم ضيع مجدها
يالعتيبي ذكرنا دايم ثقيل = ولجل عينك راح أبيح سدها

ابك انا لربعي كما السيف الصقيل =تفتخر في الحجاز ونجدها
ذكركم مجهول مانتم بااهل خيل=وبيح سدك وانتظر وش بعدها