يامرحبا في منتدى العتبان ماضين الفعول=تاريخهم معروف في بيض الليال وسودها
وقت السنسن الماضيه وشدادهم فوق الذلول=هاذي حقيقه واضحه كل الرجال اشهودها

الك البقى يالي ترحب عد ماشال الزمول=وعداد مايوحي من البارق حساس ارعودها
يانايف الايام مابين الهشاشه والقبول= ماعاد يعرف ياصحيبي ناسها وقرودها

يالحافي انته تعترض في الدرب منته بمهبول=لكن شب النار واحرص لا يدخن عودها
شفت المخايل خيلت لكن ما شفت السيول=والناس تدري بالعلوم ونقصها من زودها

النار تبغى من الحطب يالي تدقون الطبول= الكم فوارغها وغيرك يبشر ابعبرودها
السيل سال من العلا يشتال في متنه حمول= والبحور الكايدة يسقي منابع جودها

ماشفت نارك ولعت لكن قول اللي تقول=النار يارجال تالع من شرار ازنودها
بعض العرب ماهوبداري بالطلوع وبالنزول=كل المرض في روسها حتى الجرب بجلودها

الي يشب النار لابده من الاهب يطول=يونس المخطر ويونس لاضيات اوقودها
كل ماقلنا يزين العلم عود في جهول=يالله انك تصلح الرفلان في مجهودها