من كثر حبّي لها حبيت ناد الهلال=وش لون مااحب ناديها وانا احبّها
سهم ..المحبّه .. ليا صوّب قلوب الرجال=اصبح كما العلّه اللي مالقوا طبها
ذات الحسب والنسب ذات الحسن والجمال=اخاف تقضي عليّه والسبب حبّها
من شافها حين يلمحها على طول قال=سبحان ربٍ خلقها ربي وربها
بالزين في عالم الزينات مضرب مثال=من زينها دايم الامثال تضربّها
كمّل حلاها إلهٍ منفرد بالكمال= من راسها إليا قدمها الشين ماطبها
ياغصن موزٍ ليا هب الهوى معه مال=يلعب بقلبي وروحي معه يلعبّها
اليوم انا ويش اسوّي من شبيه الغزال=نار المحبّه بصدري شبّها شبّها
واهني من ذاق من حلو القراح الزلال=واطفى ظمى كبده اللي من على غبّها
ياعاذل القلب عنها لايطول الجدال=مازال انا حيّ لايمكنّي اكبّها
الهرج يسمج لو انه في محله وطااال=هي معجبه بي وانا بالحيل معجبّها

المشاركة الأصلية كتبت بواسطة علي العضياني (الفالح) (المشاركة 529144) السلام عليكم ورحمة الله وبركاته اليكم هذه القصيده : واتمنـــى ان تحــوز على اعجابــــــــكم الحب سهمه ليا صوّب قلوب الرجال=اصبح كما العلّه اللي مالقوا طبها ذات الحسب والنسب ذات الحسن والجمال=اخاف تقضي عليّه والسبب حبّها

الله الله


صح السانك

يالغالي


ومدد بلا عدد


تحيتي وودي ....