يابو بندر سلام لمن يرد السلام=وانت بكر علاك السيل رش وبرد
أحفظ البندقيه ولث الحزام=السوالف ترها ماصدر ماورد

راع العطا دامت اوقاتك بكل خير
أخي العزيز لم ألاحظ قافك الا بعد عودتي من صلاة الجمعه
اسمع الرد

يالمسلم ليا سلمت حسب النظام=ابو بندر يجيلك حسب رسم الوعد
والجبال الرواسي لو غشاها الغمام=تزهر ازهارها لادن صوت الرعد

لاتعد الحلال اللي يخلطه حرام=مار خلك مكانك واسترح استعد
الجبال الرواسي مافيها كلام=بس بعض السوالف ماعلاها أعتمد

راع العلطا الله يمسيك با النور خلك معي يابن الاجواد

ااسف على التأخير

ماطلبنا شراب ولا طلبنا طعام=مار دنياك هاذي حبلها من مسد
شفت بعض العرب دايم سوات النعام=يدفن الراس لاشاف الخطر جد جد

مصدر النور مهب من جناح الظلام=ياعيون الرمد وأتلا علاج الرمد
يوم هب الهوى طار ريش الحمام=مابقى غير جنحانه حمام البلد

انت حضرت لك ساعه وغيبت عام=احسبنك مسافر منت في ذا البلد
مار لن كان شمسك جا عليها عسام=لا تدرق بشمسيتك ونته ولد

المشاركة الأصلية كتبت بواسطة ابو بندر (المشاركة 524529) انت حضرت لك ساعه وغيبت عام=احسبنك مسافر منت في ذا البلد مار لن كان شمسك جا عليها عسام=لا تدرق بشمسيتك ونته ولد

لا تقوله تراني معك مير اللهمام=لا تقدم بحجه ماعليها ســند
شمسنا نورها شع والطير حام =و انت عيت يوم السبت والاحد