ياللي دور عن ذهيب ذهيبكم عانه وصل=عجل علية عطني الاخبار والمخرج ملي
انكان وصوك الجماعه ياعساك انت البطل= اللي يثاري لجل رد الثار والمخرج ملي

ياللي تحوفون الهروج أم الدعاوي والدجل=منكم وأدورها بعد ما صار والمخرج ملي
لقيتها تسرح عصر وأوسمتها وسم الفحل=وهذا طبيعي لا شعمت النار والمخرج ملي

ارتجت السبع الاراضي مير رساها الجبل=ماقدمك الاغار ولا نار والخرج ملي
انته عينت اللي ضحى الاثنين عدوها الهمل=وعدوبها الخفجي ورى المحدار والمخرج ملي

أمير عضيانك مسوي فالمزاين ما حصل=وأللي معه ساير على ما سار والمخرج ملي
ما هي غريبه وصف ربعك بالهمل يابو جهل=وأنا أحمد الله ربعي الأحرار والمخرج ملي

اميري اللي ماتناسيه ولو كثر الجدل= مبطي وهو مركيلك المخطار والمخرج ملي
اليا عطيتك سلم انا باغيك تنقد بالمثل=لاتلعب القلطه على المزمار والمخرج ملي

الله يذكر بن شري ورد شيوخك للهبل=و رفعت صوتك يوم حكم الدار والمخرج ملي
يا طيب بندقنا تصيد القوم من صيد الحجل=فزع ربوعك والعلوم كثار والمخرج ملي