الشعل ناموسها غطى على الطايف=تستاهل الفوز ذودِ جات منقيه
منقية الشيخ مترك من خلف نايف=انا اشهد انه نقاء مليون فالميه
شعلٍ تسوق الغلا وتعدي النايف=ورثٍ لجدانهم ماجات عاريه
غذت كروش الحليب وزبنت خايف=شبيب مامات دام وجيههم حيه
ترعى فجوج الخلا مادارها حايف=اسمها حماها من الغارات والهيه
واللي يباها يعود خاطره عايف=من فعل شيخ يدق الراس ولحيه
يوم المطاراد وعج المعركه قايف=ياكم فارس ندم في غزو هاذيه
عود يجر الخطاوي لايفه لايف=على الوسميه يحرم يثني الجيه
افاعلهم مثبته مازافها زايف=تاريخ محفوظ ماجوه الحراميه
واليوم بالامن والامان يالشايف=في ضل حكامنا صقور السعوديه
شفنا المزاين وفاز الزين والكايف=وغنيت قافٍ بيوته جات عذريه
مبروك مبروك يامترك ولد نايف=الشعل فازت وجاك القاف من غيه