يالله ياسائق سحابه ونوده=يامدبر الإنسان يامصلح الشأن
ربٍ لك المسلم خشوع بسجوده=يالواحد المعبود مالك ولا ثان
رحمتك لاصكت علينا لحوده=المنزل اللي فيه رابح وخسران
يوم السؤال اللي صريحه ردوده=دايم جوابه وافيٍ دون نقصان
ولطفك ليا اهتزت رواسي حيوده=ويوم الحساب ويوم روغات الأذهان
كلٍ حسب ماقدمه ومحصوده=من خير ولاشر مافيه جحدان
يقولها شاعر بيوته شهوده=وفي ناظره ماجابها فلان وفلان
ماجابها هاوي وجتك معصوده=من عادته يختار غالية الأثمان
يبحر بموج هايباتٍ وروده=وينكف من الغبه بلولو ومرجان
وغيره رجالٍ في القصيد معدوده=أمثالهم جزلات وعذاب وسمان
شعراً تعلى عن عبادي وعوده=ماردده فوق الوتر دان يادان
الوقت جربته ببيضه وسوده=ولاقول أنا فالكون عالم وفهمان
واللي شعاء فكري وحرك ركوده=رغم الظروف اللي تداهمني أحيان
فعلٍ ينومس والآمال معقوده=على الشباب اللي طرق كل ميدان
وجهدٍ دءوب ومستمر في سنوده=ودعمٍ سخي وفرحةٍ وقتها حان
وفكرة شبابٍ ناجحه ومحموده=وحب القبيلة وافتخاري بالإخوان
وحفلة نشاماً فالزوم معدوده=حزام لبعضهم كان وجه الزمن شان
ياجعلها في كل عام معيوده= ويحصد جوايزها من الربع فرسان
بإشراف شيخٍ مايبين سدوده= إلا لمن له جاه والرأي مليان
شيخٍ ورث كل السخاء من جدوده= شيوخٍ لهم في صفحة المجد عنوان
سخي حليم ولاش شي ٍ يكوده= عبدالله العبود بالفعل سلطان
ماقابل الناصي بكبر وبروده=يضحك حجاجه سمح في كل الأزمان
شيخٍ مثل هداج يروي وروده=من جاه ضامي بالرواء منه طمعان
وفالربع رجل انجاز مثبت وجوده=من عادته كسب الجميله والإحسان
فيهم عصاميٍ تقادح زنوده=ماهوب في حمل الثقيلات بحلان
من حر ماله جاد واسخى نقوده=ماقال أبيها في تجاره وعمران
وللي تميز بعد كرس جهوده=يمدها حافز وفزعه وسفطان
في ظل حكمٍ مايغير بنوده=الله يعزه حكم ذربين الإيمان
يعيش أبو متعب وحنا جنوده=صقر الجزيره سيدي طير حوران
وأخوانه اللي فالمواقف عضوده=سلطان مع نايف مع أحمد وسلمان
تحت أمرهم والعلم عني ردوده=مآبه (قثامي ٍ)يخالف هل الشأن
لجل الوطن كلٍ أسلاحه يذوده=وبالروح يفدا أطهر ثرى كله إيمان
(آلاد القثامي) فاللزوم معهوده= ولعسكر البارود وقفات شجعان
صوارمٍ مثل الحرار مهدوده=عدوهم يسهر من الخوف قلقان
تعطي الولا درع الجزيرة وسوده=عهدٍ قديم وحافظينه إلى الآن
من عهد أخو نوره نخاوي حشوده=لنا الشرف وشيوخنا فعلهم بان
عساه فالجنه ببرزخ خلوده=جزاء الذي خلى الوطن خير ومان
كم بيرقٍ درهم معزي يقوده=لردع الفتن ومجابهة كل طغيان
وحد وطن كانت تصارع بدوده=وكلٍ من الغارات والظلم شرقان
وصبح معاقلهم وذيك مهجوده=بالحق ماجاهم خديعه وبهتان
حتى استتب الأمن ثبت حدوده=ماهو بحب خشوم بالسيف رقبان
وختامها للي نشاهد جهوده=نهدي مع التقدير شكرٍ وعرفان
وعــــداد نوٍ مرزمــــاتٍ رعــوده=صلو على اللي خاتم كل الأديان

تنام العين والرجال لامن جاه من صحّاه = يِفِزّ بْساعته والسيف مايجهل مقاضيبه
ويفرد ساطي جناحه ومرقاب الفخر يرقاه = ويقدح من زناده ويتعشّى من مخاليبه
والا ياسامعي جاك الكلام اللي على معناه = يسوقه للفخر رجّال مايترك مواجيبه
فانا من دولةٍ رفرف علمها والسعد يبراه = على عزّ وشرف والمجد تدرج به دواليبه
بلد من شال سيف العز والإسلام في يمناه = ووحّد دولته مابين تشريقه وتغريبه
وقال الحكم حكم منزّل القرآن والتوراه = الهٍ شَرّع الإسلام في مكّه وفي طيبه
وساد الأمن في أطهر ثرى والمجد طال بناه = وعمّ الخير بارضٍ من ثراها المصطفى اسريبه
وجا عصر المليك اللي على التوحيد بايعناه = ولوّ ارْاحنا مَطْلَبْه لبّيْنا مطاليبه
هذاك اللي رقا والمجد يتبع فالطريق خطاه = وهذاك اللي عطاه الله زمام المُلْك والهيبه
وهذاك اللي سعى والعدل يسعى مَعْه في مسعاه = وهذاك اللي جمع شمل العرب والطيب يحريبه
حبيب الشعب ماغيره عسى ربّ الملا يرعاه = وعسى ربّي على ماقدّمته يدينه يثيبه
أقوله والكلام ايجُرّ بعضه باوّله واتلاه = وانا شاعر يعَسْف القاف ويزيّن مكاتيبه
وبعد جيت المكان اللي ( هلا ) يسمع بها من جاه = ابارحّب واردد مرحبا مليون ترحيبه
باسم صرح الشموخ اللي تعلا واعتلى مبناه = على يدين الرجال اللي تروم الصعب وتجيبه
وبزغ للمنتدى فجرٍ جديد ولاح نور ضياه = وصار بقمّة الأمجاد مشدوده أطانيبه
به الماضي وموروث الرجال الاوّلين احياه = وفيه الحاضر اللي يساير الوقت ومطاليبه
وفيه آخر خبر ينشر قبل كل العرب تقراه = وفيه المسك من النواحي فايحٍ طيبه
وحمل اسمٍ ينومس شاعرٍ بيت الفخر غنّاه = قثامي والقثامي رمز عز وربعه عتيبه
لأنّ العـز ميـراثٍ مـن الآبـا توارثنـاه = ولانّ المجد عنّـا شامـخ التاريـخ يحكيبـه
لذا يامن حضر تكريم من بالفعل كرّمناه = خَدَم دينه وداره واستَحَقّ انّا نماريبه
هلا ماغنّت الورقا على غصنٍ رِوي من ماه = وهلا مالاح برق وما نشرَب صافي مشا ريبه
يقوله من سطع نجمه ومرقاب الفخر يرقاه = وردّد مرحبا مليون في مليون ترحيبه

عـن اهـل المنتدى والمنتدى واسم عـليه ايدوم = رمـوز المـعرفه والـعلـم حــاضرها ومـاضيها
هلا يامـرحبا ترحيب يبـدى لـه قمر والنـجــوم = تفوز ابه الرجال اللى دروب المجد تمــشـيها
رجـال المـعرفه والجود ذباحـة سـمان الـكــوم = شــغامـيـم الـعـيا ل اللى تنومـسـنى عــزاويها
هل الفزعه رياجيل المـواقف ناطـحين الـقـــوم = لـيـا زادة عـداهـا مـن ذحـاح الــسـم تـسـقـيها
لهم تاريخ فى ماضى الزمان او فى نهـار الـيوم = قـساء وللا رخــاء بـطـيب تاخـذها وتعـطـيها
الايـا طــيبـهم وان كـان جـانا فـالـعـلـوم اعـلـوم = لـهـم مـن كـلـمت الـهيلا نصيب يوم اسـميها
كـسبنا الـبيض مابين الـرجال او نصرة المظلوم = ونـصدق مـع ولاة الامـر مانخـلف هــقاويها
لـبو مـتعب جــــنود مــا تخــوفنا جـيوش الـروم = سـيوفن فى يــداه ودولـة الـــتوحيد حــامــيها
الاء ياشيخنا العـبود طـول او قول معك اقروم = رجـال تـكـسـب الـــطـا له بحـكـمتـها ويــاديها
تـقـدم وارفـع الـراس الـطـويـل ولـلمعـا لى هـوم = ترى هـومات راسـك عـنـدنا الدنياء ومافيـها
لك الله ما تخــلانا مـادامـت لر جــا ل الــســلــوم = وفى روس الـنـشـاما من ســطرها ما يمشيها
خـلـقنا مـن عـدم مـافى يـد الرجـا ل فـص الثـوم = ورزقـنا الـواحـد اللـى يهـلك العا لم ويـيـحيها
ولا حـشـنا المراجـل لـجـل نكـنـزها وتمسى كوم = نبـاها للـمـواجـب يـوم خـطو اللاش ناســـيها
وانـا مـاقــول لـرجال شـمـر وخـلـق الـمـعــدوم = لــكـن اقـــول ربـعــك فا لمـواقـف لا تـخـلـبها
تحرف واحترف ترى الـمراجـل لرجا ل اقـسـوم = احـد يـكـسبـها واحـد عـلى غــيره يـضـويـها
وخـلك مـع قـرانـس الـحـرار امـبـعـدات الـحــوم = على عا ل الوكـوراللى صـعـيـبـا تن مـباديها
وبـعـد عـن فروخ الـبـوم لا تـقـرب فـروخ البـوم = ترى ماتعـدى الـجـرباء يكــود اللى يــوا ليها
يانايــم في مـنامـك مـن مـنامـك قـوم صـح الــنوم = وخلك في صفـوف اهل الصلاه اللى نصليها
وعــدد مـا لاح بــراق وعـــدد ما غــيمن اغــيوم = صـلاة الله عـلى الـهـادى نكــررهـا ونهـديها

سلام ياروس الرجال المسمَيْن = ياللي لكم بالطيب منزال سامي
تسليم وافي للرجال الوفيين = ومعه جزيل الشكر والاحترامي
ربعٍ فعايلهم على العسر واللين = ماحدٍ يبي يجهل فعول القثامي
افعالهم من سابق الوقت والحين = بقيادة العبود حرٍ قطامي
من عزوة الهيلا كعام المعادين = اهل السيوف مطلقات اللجامي
برقا وروق اللي تهز الميادين = اسمٍ مخلّد من كبار الاسامي
واليوم في ظل الملوك السلاطين = ونمشي على دستور شرع ونظامي
اللي حموها من يدين الشياطين = شبه الجزيرة تحت حكم الإمامي
وحنا جنوده تحت حكمه مطيعين = نحمي وطنا من يدين الحرامي
مهما يحاول ناقص العقل والدين = الصف واحد ما دخلْه انقسامي
وصلاة ربي عد جمع المصلين = وعداد من يسعى ولبس الحرامي
على رسولٍ بيّن الحق تبيين = عليه من ربي صلاة وسلامي

يالله ياللي خالق الكون كله=ياعالم أسراره وما فيه تحصيه
تحمي وطنا من شراذيم شله=شلة هل التفجير والغي والتيه
الشله اللي علّها كل عله=علّه ورا علّه ويخسا معاديه
ويا عل أمنه دايم الدوم عله=وتزيد خيراته وبالغيث تسقيه
في ظل حكاماً ذرانا وظله=الأسره اللي سخرت له وتبنيه
من وقت من وحّد بسيفٍ ومله=دوله لها عشقٍ قديمٍ يناديه
وأصبح وطنا ما به مشابهٍ له=منبع رسالة من ولد واندفن فيه
وبيت الله اللي كل مسلم يدله=في كل فرضٍ دوم وجهه يلقيه
وتحفظ مليكٍ كلنا فدوةٍ له=فالحل والترحال يا رب تحميه
حاكم سكن بعيون شعبٍ يجله=النادر اللي ما زعيم يحاليه
ما غير عبدالله ولو قيل لله=اللي يسر البال شوفه وطاريه
اسمه طبع طبع الحبر بالمجله=في كل قلبٍ والحناجر تغنيه
غلٍ يغل أهل الكبود المغله=وريفٍ على شعبٍ يحبه ويفديه
شعب الوفاء ما فيه نقصٍ وخله=لاحزب ولاكتله سعودي مكفيه
وتعيش يا سلطان يا نايب له =وتبقى ذخر يا من نديّه أياديه
الكف الأيمن مزنةٍ مستهله=والكف الأيسر هايجات شواطيه
راع ابتسام وطلّةٍ مسفهله=راع العطاء رمز الكرم ما نوفيه
وزير جيشٍ بالوغى يستسله=وفالسلم يفخر به ليا جاء يهنيه
والضيف لامنّه لفانا نقله=يا مرحبا ترحيب وافي ونثنيه
ترحيبٍ مبهر تباهير دله=ومطيّبٍ بالعود والورد زاهيه
بسّمٍ ينومسني وأنا منتمنّ له=بسم القثامي دون خصه أنا ابديه
في حضرة العبود نعم الجبلّه=شيخٍ ولد شيخٍ عريبه مجانيه
شيخٍ كفو فالمنصب اللي هلّ له=من دون نقصٍ في غلا كل موحيه
يا مرحبا عد النجوم المطله=في حفلةٍ للمنتدى اللي معلّيه
اسمٍ ثمين وضافي لايقٍ له=في موقعٍ بين الكواكب مراقيه
الله يجمّل حال من فكرةٍ له=واللي معه والله يتمم مساعيه
قلته وكلٍ لابته عزوةٍ له=من لابة الهيلا ولا أحد بخافيه
اللي لها تاريخ محّد يزله=وحق القبايل واجب إني اراعيه
كلٍ وما دوّن في صفحة سجله=واليوم حنا نحمد الله وندعيه
وصلاة ربي عد رش المهله=على الشفيع اللي الهه مزكيه