استلم

سلام الله عليكم كلكم واسف على التاخير=سلامن مايخص يعم كل الناس من داني
الي مده عن الفالح وله عندي كلامن غير=بعد غنا على الطاروق يالاحي يليحاني

هلا يا مرحبا يالمرشدي ما صار غار الخير=عن الحضّار يا ناصر يكفّيك العضياني
تفضل هات ما عندك اذا عندك خبر ياطير=انا وايّاك والميدان ميدانك وميداني

استلم

ياطيب اللي نهار المعركه يضرس ضريس بعير=وانا خابرك كفو وفتح عيونك على شاني
ياشين الغلطه اللي يالعتيبي مالها تبرير=تحز بخاطر اهل المعرفه واطوال الايماني

يا طيب اللي يقدّر صاحبه ويحصّل التقدير=من علومك يا ناصر نصّ اهل عمهوج زعلاني
وراك تخلّي اللي يالعتيبي ما تصير تصير=انا ما اخطيت وانت اليا بغيت الصدق غلطاني

استلم

لهم حقن علي وقدرهم عندي ماهوب صغير=ولكن بالخطيه طال عمرك لاتبلاني
عرفنا الفقه والتوحيد والتجويد والتفسير=وميز يابن ثعلي في كلام فلان وفلاني

انا كنت احسب انك تكره الارهاب والتفجير=صراحه يا ولد روق انتهكت حقوق الانساني
مدام العلم واضح زين ما يحتاج له تفكير=ابا افتح دفتر التحقيق واحقق مع الجاني

استلم

انا اسعى للتقدم في مجال العرف والتطوير=على شان السعودي ماعلي من البريطاني
بعد ماتنهي التحقيق بلغني عن التقرير=اخافك يالعريباني تميل مع العريباني