ياهجوسي مانخيتك غير في وقت الزرا = جمليني ياهجوسي قدم كساب الجميل
واستهيضي واستفيضي وابدلي قيضي ذرا = وابدعي لي من بنات الفكر والمعنى الثقيل
قافٍ اثقل من جبال الحجز واثقل من كرى =واحلى واعذب من شراب الشهد لو قافه قليل
طرفه ابن العبد بأبياتٍ كما ها مابرى !! = وامروء القيس ولبيد ابن الربيعه بالمثيل !!
لو هو واحد من هذولا عن قوافيها درى = قال انا ماني بشاعر بسّ شعري قال قيل
لو زمان ياهل المعنى يعود لي ورى = والله انه ماتعلق غير فجدار الخليل !!
وتصبح السبع القصايد بينها ماتنقرى = أيضا أيضاً في جدار البيت ماهي بالسديل
ولابدعت القاف غير انه طرى لي ماطرى = سالفه والسالفه بين الموظف والعميل
ياحفيد اللي ليا ثارت يردون البرى = ياكريمٍ مايمد الا الجزيل امن الجزيل
لك ذرى يوم(ن) بعض الناس ماله من ذرى = لك ذراعٍ قاصر(ن) من دونه الباع الطويل
أنت لبسٍ للشهامه والقرامه من عرى = دونك انته مالها ياصاحبي ايت بديل
طالبك واللي جرا يا .... قد جرى = والعفو الصفح من شيم الرجال اهل الجميل