يامرحبا ترحيبة تشرح البال=بسم الرجال مغيرين الهقاوي
تعال يا سلطان والوقت ميال=والله يكافينا جميع الــــبلاوي

يدوم البقاء ياطيب العرف والفال =وميرادك العد القراح الرهاوي
وبنت الهوى جابت لها 10 عيال =وفيهم عساها ماتخيب الرجاوي

ترى العلوم اجداد واعراض واطوال=ياصاحبي سلطان ويش انت ناوي
ترى الشرا والبيع من روس الاموال=عساك تمشي فالدروب امتساوي

مقبل عليك خيال وخيال وخيال =ابشر بعزك يالشعيب السناوي
ماضاع لي بين الرياجيل مثقال = وانته حلالك ضاع بين الشوواي

يا صاحبي لا تلوي احبال بحبال=وانته وصلك العلم والذيب عاوي
ماضاع لي يالطيب ادقاق واجلال=مار انت يا سلطان بالحيل غاوي

مأانته بشيخ يحكم القول لاقال =غلطان من لبسك بشت حساوي
تذكر اللي صار من عده ليال =اللي جبرنا نعتزي بالعزواي

ترى المعاني نارها تشعل اشعال=لكن واصلك الطبيب المداوي
ما صار غير الخير مير انت محتال=ياللي تحسبنك بخيت العطاوي