الحظ ودروب المحبه عجايب=في وسط قلبي حطت النار نارين
وأليا نشدت الحظ ساق الركايب=ساق الركايب وين مدري على وين
يسوقها والله يكاف المصايب=يمشي مع الدنيا ويسلك طريقين
ان شان عرضك الفتن والحرايب=وان زان قلت انزان زين(ن) على زين
والحب بلوى من عزيز الوهايب=ان كان ماتدرين فالناس دارين
يابنت انا وياك صرنا حبايب=اتنين في واحد على العسر واللين
الحب يجمع ناس ماهم قرايب= وتبقى حيات(ن) بينهم بين قوسين
وأليا ذكرتك صار دمعي سكايب=فرحة غلا تنثر غرام المحبين
لاتنشدني كيف ليش السبايب=الحب وسط القلب تدمع له العين
يالله عسى بكره تهب الهبايب=ومٌن الجنوب اللي هبوبه رياحين
على ضمير(ن) عنك ماهو بتايب= يون طول الليل والناس ممسين
وانا سباب ولوبعد صرت شايب=يبقى غلاكم راجح(ن) بموازين
ناصر يحبك وانت سيد الحبايب= وقلت تكفى جاك ناصر على الدين
ماني بقايلك جروحي عطايب= ماني على الدنيا ضعيف(ن) ومسكين
ابيك ترحم يوم دمعي سكايب =مادام حب القلب تدمع له العين
وانا ... تراني رحت كلي نهايب=مابين حظ وبين حب المزايين