سلام الله سلامٍ على روس المناعير = عدد ماهبت النود عدد ما شبت بروق
سوالف للسوالف نحصلها مخاسير= سبحنا فى البحر والبحر ماجاه مطفوق

هلا يامرحبا في محل الجود والخير= محلك يامطيري وربعك حضهم فوق
تعال اهرج وسولف ولا تخسر دنانير=وسيق النصر مسلول من برقا ومن روق

وتـبـقـا ياعـمـيـلي تحياتي وتـقـديـر= نجمل فى المواقف يالو الوقت له عوق
تمهل والسوالف عليها محكم الشيـر= ونعم في عتيبه غروب الدار وشروق

تحزم يامطيري ومثل ربعك مطير= نبي نسري مع البيد لين نتعب النوق
ترى ممشاك دوبك يسبب عرقلة سير=ويقولون المطيري هذا مايعرف يسوق

مـعي سيفي وضدي لو انه سالم الزير= وحرصي للـنشاما وشوقي يمهم شـوق
ترانا مع رجالٍ تشب انوارها اعصير = اسوقـلك الجـزيله تسوق الـتايهه سوق

معك سيفك بغمده تشيله خير ياطير=ياعشاق المخايل عليك الطاق مطبوق
مزون الغيث هلت على راسك شخاتير=وترى ماسقتلك غير كيف عالي الذوق

قربـت النخله اللي عـلـيها ثمـرها غـير = لقيته يابس ناشفٍ ياحيف ياعروق
تحوص يالحصيني وعينك دمعها سير=وطربق مثل ماطرب اوخيك طربوق

نخلنا اطوال وعذوقه أبعد من شمنصير= لايذبحك الحشف منت ويا تمر وعذوق
لمحة بوجهك الوان للخوف وتعابير=وصوتك دوب يطلع وكن الحلق مخنوق