ياسلام الله سلام (ن)عم نوره في وطنا = من هجوس الشاعر اللي مابها شكه وريبه
قوموا الصفين يالهيلا يطير النوم عنا = وأزهموا مرزوق ليننه يجي ثم ألتويبه

مرحبا ترحيبة ٍ بقدوم صاحبنا تثنّا = من هجوس الشاعر اللي من تحداه يغدي به
يابن دلبح هات علمك وانتبه منا ومنّا = جاك مرزوق العتيبي ماطرا فالبال جيبه

والله إنا من كثير الناس حنا ما أشتحنا = ولاحسبنا للضعيف ولالخضاض الغبيبه
من نقل له سيف بالدم الحمر لازم يحنا =والمريض اللي عجزتوا فيه إبن مسلم طبيبه

كفو والله ياعريب الجد يازبن المجنّا = انهض براسك ومن جاب الرديه وش تبي به
ماعجزنا . وابك حنا ..وابك حنا .. وابك حنا = في مجالسنا الشهامه والشقي نقطع نصيبه

المشاركة الأصلية كتبت بواسطة مرزوق العتيبي (المشاركة 276129) ... الله عليــك.. .. ماعجزنا . وابك حنا ..وابك حنا .. وابك حنا = في مجالسنا الشهامه والشقي نقطع نصيبه

ماعليكم زود ياراعي الحصان اللي يعنا = وفي يمينه رمح ٍ ليا أهوى به يسد التريبه
وأبك أنا صاحي مع الصاحين ومع الجن أجنا = و العصى لوتنشقر يفرح بها وجيهٍ غضيبه