يالحميدي عندكم في نجد مشكل مايحلاّ=ليت ضلعان الحجاز اتطب في نجد العذيه!!
مير بالِله حلّو اللي صار ياهل نجد والاّ=اقفلوا بيبانها بآقفال ..والباقي عليه!!

غيمةٍ ترعد لها يومين والثالث تجلا=كلها من فضل ربي والرياح الموسميه
صاحبك عن لازمه طول الليالي ماتخلا=وانته ونعمين بس الصبر واحل القضيه

كم نردد فوقكم ياربعنا حاشا وكلا=مير نحداكم كذا.. والوقت يحداكم كذيّه!!
الزمان الجاهلي ياربعنا العتبان ولاّ=مير بالِله لا تحفرون القبور الجاهليه!!

انت من جدك تكلم او بس انك تسلا=الخطا محدٍ رضابه لاهناك ولاهنيه
تدري ان الجدي في عرض السماءنجمٍ تعلا=فالسنين الحاضره ولا السنين الاوليه

اختلفتم فالمطوّع واختلفتوا فالمصلاّ=ياجماعتنا ترى الذمّه من الذمّه بريه!!
والسماء كله نجوم وكل نجمً له محلاّ=فالديار المشرقيه والديار المغربيه!!

يامناحي لاتزل الهرج حنا مانزلا=المطوع ماجهلته زاهدٍ نفسه رضيه
النجوم المرقبه من بينها نجمٍ مطلا=وانت رجالٍ تعد الحق متبغا وصيه