شفت شين على الصفحه يغث الكبود=وش جرى علموا فـزاع باللي جرى
قالوا اركد علامك قلت مابه ركود=من مشى بجهله قدام يرجع ورى

يا زمان(ن) تولّى جعل يومك يعود=فيك ناس(ن) رساها مثل رسيت كرا
راح حرب السلوم وجات حرب الزيود=وسط الايام مابه غير رد البرا

يابونجر النفيعي ماعليكم جحود=لوطرى في ضميرك قلت قبلك طرى
آه ياوجد روحي بالوجود الوجود= يارجال لها وقت الملاقا ذرى

يابن عاصم ترا الديره نزول وشدود=من طرا له بشي(ن) قال هاذا طرا
مار هالحين يا رجّال ما فيه فود=منت لاقي يا كود الحصني الازهرا

انتبه للصوادر وانتبه للورود=واعرف السوق حامي بيع ولا شرى
يوم طاح الجمل ماسد فيه القعود=ان لزمته رغى وليا تركته سرى

وابك انا وسط ربعي باذل(ن) بالجهود=وانت تعرف وبعيونك هنيّا ترا
ما يطيح البنا يالين يسقط عمود=مار ساس البنا ثابت يا هاذا الترا

المشاركة الأصلية كتبت بواسطة أبو نجر النفيعي (المشاركة 245477) وابك انا وسط ربعي باذل(ن) بالجهود=وانت تعرف وبعيونك هنيّا ترا ما يطيح البنا يالين يسقط عمود=مار ساس البنا ثابت يا هاذا الترا فزااع صح السااانك والله لا يهينك على المحااوره وانا اترخص منك هالحين والجايات اكثر اخ و ك

المشاركة الأصلية كتبت بواسطة فـزاع (المشاركة 245433) سلام عليكم ياربعنا واصحابنا ومن عنده يقرب شفت شين على الصفحه يغث الكبود=وش جرى علموا فـزاع باللي جرى قالوا اركد علامك قلت مابه ركود=من مشى بجهله قدام يرجع ورى