قالوا علامك (ياعمر) فيك (لولاج)=تسهر طويل الليل وتسج وتدوج
قلت البلا ياناس لا ثار وهاج=قلب ن تكوى بين الاضلاع مفجوج
يبغى البراري والبراي لي علاج=حب الخلا من شعرة الجوف منسوج
ياسابقين الريح من فوق (ميراج)=طيروا وراكم واتركوني على (دوج)
ابغى عليه امتر البعد لا فاج=ريح المطر في مطلع الوسم برهوج
وابغى عليه اعس لاصب هداج=وقامت تخيل البرق وارقابها عوج
مهي من اللي كلها نسل الانتاج=وراثة الجدان من قوم (ياجوج)
وابغى عليه آخذ مع الذود مسهاج=لا لون النوار لونن على (الروج)
واحيل يمه وأترك الوقت لنعاج=خبل طراته في غلا السوق (دلبوج)
محلى عليل البر لاهب ثم راج=وقام الحوير يطرق الحزم مرجوج
وقامت ترازم تخلط الصوت بخلاج= في عبلة ن كن الروابي لها موج
في ديرة الهيلا مع الذود (ياسناج)=نبغى نسوق الذود والرزق مفروج
ربعي عتيبه نور مشكاة بسراج=صبح ن ينور في دجى نجد مبلوج
نسل نقي مافيه مولود خداج=لا عودت بعض العرب (هتم ولحوج)
وإن عودت بعض العرب خلف حجاج=يرجع نسبنا لعرق ماهوب ممزوج
الاد روق معدلة كل منعاج=للي من أنواع القشر راسه طعوج
إم ما كفاه السيف من كف (فلاج)=يلقى دواه بسلة السيف (عمهوج)
برقا سنام البيت للعز معراج=مركابهم وقت الوغا كل مسروج
والمد للي يعشق الجود يحتاج=كف ن تبيح من العطا كل مخروج
والله عطانا القرب في وصل الاوشاج=قصيرنا يمسي من الوصل مبهوج
والله عطانا تاج والنعم من تاج=تاج الكرم والجود للعز منتوج
عاداتنا موروث للطيب منهاج =ماهمنا من يجمع هروج وهروج