أول استبـداى باسمـك ياعظـيـم =يـاالـه بالخـلايـق مستـقـيـم
ماطلبت الاأنـت ياالـرب الكريـم =ياغنـي ياراعـي المـد الجزيـل
باسـط البيـداء وعـلام الغيـوب =مالـك الامـلاك غفـار الذنـوب
ياكريم انك علـى عبـدك تتـوب =ياعظيـم الشـان يازبـن الدخيـل
أبـدع الأمثـال وانـقـد بيتـهـاا=حشـمـة للطيبـيـن أبديـتـهـا
لـن صعـب محرافهـا غنيتـهـا=من هجوسي في المعانـي ماتميـل
عن عيوني ياهلـي طـار الكـرى=دمعها الصافي على خـدي جـرى
كاتـم الاســرار مـاحـي درى=من تصبر ماغـوي درب الدليـل
ياأهل الأفكـار بعـد انـي نويـت=ليت ماينفع لـو انـي قلـت ليـت
الليـالـي درجتـنـي مـادريـت=مار بأصبر والصبر لأهل الجميـل
ياابن اًدم خـل لـك عقـل لبيـب=عامل الله وأعرف الحق المصيـب
الأجل لـن طـال لابـده قريـب=لو يطول العمـر تاليـه الرحيـل
عاشر الطيب من اثقـات الرجـال=معرفتهم تنشرى فـي كـل حـال
وأترك الانذال ماهـم راس مـال=لاتغـرك زيلـة النـذل الهتـيـل
أكرم الجيـران وابشـر بالفـرج=لاتصـدق كـل نـمـام هــرج
من حكى عنهـم بكذبـة ماخـرج=ماوراء الكذاب فيـد ولا حصيـل
وان ملكت المـال لاتبخـل يـداك=أطعـم الجيعـان لا منـه نصـاك
واسعف المحتاج بعـد الله عطـاك=والأمـر للواحـد الـرب الجليـل
لاتزرى في ولـد عمـك وأخـوك=هم عضود الجنب مافيهـم شكـوك
واصل ارحامك ولـو ماواصلـوك=لاتعـرض واحـد عابـر سبيـل
أعرف الواجب ومقـدار الرفيـق=والعـدو لاتحسبنـه لـك صديـق
لـو حلـف بالله والبيـت العتيـق=لن ضحك لك تلتقـي قلبـه عليـل
ياأهل الأفكار والـرأى الصليـب=البعيد اليـوم خيـر مـن القريـب
القريب اليوم عـود لـك حريـب=وأن طلبته حق قال لـك مستحيـل
الوفاء والصـدق طبـع المؤمنيـن=شـد لاتنـزل ديـار الحاسـديـن
معطـي الأرزاق رب العالمـيـن=معتني بالحوت في البحر المهيـل
عشـرة الاجـود مسـك وعنبـرا=وان دخلـت ابيوتهـم فيـهـا ذرا
مايحدونـك علـى علـم الــزرا=مثل مبدى النور في الليل الطويـل
لو من الأجناب صحبتهـم شـرف=وان حداك الوقت في الزومك وقف
بعـض فالاقـرب مافيهـم خلـف=التجـارب تبـدى الاش البخـيـل
راعى الامثال قال النـا الصحيـح=كل باب يجيك ياأخـي منـه ريـح
يالبيـب العقـل سـده واستريـح=وأطلب الله يغفـر الذنـب الثقيـل
أختم الامثـال بعـد البـال طـاب=بالرسول المصطفى زين الخطـاب
هو شفيع الناس في يوم الحسـاب=يـوم ماللادمـي قــوه وحـيـل

ولا ياساكـن الدوحـه=دموع الحب مفضوحـه
ومن يبغى دواء روحـه=يسيـر بالقـدم فيـهـاا
بهـا التفـاح يازيـنـه=تـزودنـاا بساتـيـنـه
بعـد شفنـاا محبيـن=ـهبدمـع العيـن نسقيهـا
ركب خلي على الكدلك=ذهب جسمي بغيت أهلك
يقول الحق على مهلـك=أبا الدوحـه وأهاليهـا
بشهـر الحـج لاقانـي=نهـب قلبـي وخلانـي
أنـا يانـاس ولهـانـي=وروحي مـن يداويهـا
عطيت الزين عنوانـي=قعد يبكي علـى شانـي
يقـول الحـب فتانـي=ونـاره مـن يطفيهـاا
حبيبي ماأرغب ابدالـه=بعرش القلـب منزالـه
ياليته يرسـل ارسالـه=علـى الزيـن يهديهـا
أبا حافظ علـى العهـدِ=أواصل صادق الوعـدِ
حياتـي ناشـر الجعـدِ=لـه الأسـرار نبديهـا
سهوم الحـب غـداره=بغيت أركـب بطيـاره
أسافر وأسكـن اديـاره=معاه الـروح الاقيهـاا

من هجوس الشاعر اللي على صح وصحاح=ياسـلام الله عليكـم عساكـم تسلـمـون
طالت الأيـام طالـت وقلبـي مااستـرح=وان عذلت القلب كيف البصيره في العيون
كل ليلـة سهرتنـي ليـا نـور الصبـاح=لين راحت صحة الجسم مـن دونٍ لـدون
ويش تبين من المقفيـن مافيهـم صـلاح=لاتلديـن النظـر ثـم ترميـك الظـنـون
قالت العين أكتـم السـر سـرك لايبـاح=لن كشفت اللـي مخبـى علينـا يفرحـون
ماأقدر أصبر عن ليالي الفرح والانشـراح=والهبايب يوم تومي بلـد نـات الغصـون