عدنان منشاها من البيت العظيم

بسم الله الرحمن الرحيم

يعلم الجميع أن العرب العدنانيين أهل شرف عالي. وأنهم من ذرية إسماعيل بن إبراهيم الخليل ـ عليهما السلام ـ ويعلم الجميع أن إسماعيل عليه السلام نشأ وترعرع في مكة ومات فيها. وجميع العلماء متفقون ومجمعون على أن العرب العدنانية أساساً من الحجاز.

وللأسف الشديد أنك تجد أن هناك من العدنانيين من يعتقد أن أصل العرب من اليمن نتيجة لهيمنة العرب العاربة على عقولهم. وبهذه المناسبة نظمنا هذه المتواضعة نضعها بين أيديكم

ترحلوا ربعي وأنا عنهم مقيم = كبوا لنا رامات هي و عطوفها
يبون دارٍ نبتها عشب وجميم = ما اخطى مطرها وسمها وصيوفها
وأنا قعدت خلافهم كنّي يتيم = حدتني الدنيا بكثر ظروفها
اعيش في غربة وأنا وسط القصيم = كن الليالي ضايعٍ معروفها
قضّيت عجّات الصبا مثل الغريم = اللي ديونه زايدٍ مكلوفها
متقنعٍ ثوب الشقا حالي كظيم = والنفس ما يفنيك غير حسوفها
وبنات فكري يوم فـ.الوادي نهيم = متعجلٍ مرواحها و انكوفها
احيان تقبل كنها الموج الطميم = واحيان عني تختفي بسجوفها
وليا اقبلت نثني لها الراي العديم = نختار ما نحتار بين حروفها
أقدّها قد الصراط المستقيم = وأحدّها حد الفهد لخشوفها
حتى تقادى كنها العقد النظيم = ومناويٍ بالقلب ودي شوفها
ربيع قلبي شوف براق الحميم = لا ركّزت حدر السحاب اشعوفها
سحاب صيفٍ كنه الليل الظليم = يشدي شماريخ الجبال قنوفها
حس الرعد له في مقادمها رزيم = عبيد دمامٍ تدق دفوفها
ومعقرب البراق جايٍ له ضريم = تقول نارٍ تدهر بكنوفها
وإن جت مع العبلة لها رجد و وشيم = يبهج مخايلة البروق طيوفها
أول مطرها يضرب البيدا عميم = واتلى مطرها من دقاق ارعوفها
خلت خشوب السدر في الوادي هشيم = ومشلخٍ روس العدام اجروفها
تسعين ليلة بين غيم وبين ديم = لين البوارح يبتدي هفهوفها
هذا وأنا لا عدت للجد القديم = عدنان جد العرْب جد جدوفها
عدنان منشاها من البيت العظيم = وأم القرى وديانها وخيوفها
وابوهم اسماعيل قبره في الحطيم = و أمه وزانه قبرها حجروفها
تحت الحطيم مخلدينٍ بالنعيم = وفرش الجنان جلوس فوق رفوفها
عدنان هي بيت الشرف لمّا لميم = متعليٍ بين البرايا نوفها
واللي نسبها لليمن عقله سقيم = يا مخبل الجهال ما اكثر سُوفها
يسمع خدوشٍ هرجها غمٍ غميم = والحقد والتخريف مالٍ جوفها
يامن سقيت الزرع بالميّ الحميم = انا اشهد انك ما جنيت قطوفها
أنته زربت القوم في قبرٍ مضيم = غيّبتهم فـ. دحولها وكهوفها
ما كن غيّم طيلة الأيام غيم = ولا اقرت شغاميم الرجال ضيوفها
ولا صالت الفرسان من قيس وتميم = يوم القبايل عيشها بحتوفها
ما قيل في عدنان من هرجٍ وخيم = يغشى الشموس الشارقة بكسوفها
أو نومة أهل الكهف واصحاب الرقيم = يا نومةٍ ما عقّبت مخلوفها
عدنان بالفطرة وبالعقل السليم = تقصر يدين الناس دون عروفها
معهم بني يعقوب في عظمٍ صميم = سلايل الأسباط حف حفوفها
منها الكريم ابن الكريم ابن الكريم = ابن الكريم ازكى جميع صنوفها
جازوا بحر سيناء وراء موسى الكليم = وعقب المذلة بدد الله خوفها
قلته وأنا ما شفت في دنياي ضيم = لكن يالوف الحشى يالوفها
عدنان ما يعرق بها العظم الرميم = ولا يشبه العظم الرميم وصوفها
وسلام ربي عد ذعذاع النسيم = وعد الهبوب وذاريات عصوفها
على محمد صفوة الخلق الرحيم = شفيع الأمة في نهار وقوفها

الأخ والشاعر/ خلف بن مرزوق
صح بدنك
وصدقت فيما قلت
وحنا ما سوينا إلا الواجب
ودنا الناس تفهم من هي عدنان. وما هو شرفها؟ الذي قد نسيه الكثير
خصوصاً أن العتبان منها.

المشاركة الأصلية كتبت بواسطة ذيب الحنابج صح لسانك يالغالي ولاهنت