يا صديق المصلحة وينك ووين الوصول؟=الوصول اليوم راحت هباء بين الرفاق
الوصول اليوم راحت مصالح عرض طول =شفت كيف أصبحت عندي صديق بلا وفاق؟
والصداقة راحت اليوم شوت وهات قول =ولو تشرّع طاقتك شفت شيء ما يطاق!
إتصال ودعوة وعود أزرق ومعمول =ودهن سير وحب خشم وسواليف وعناق!!
لا بغالة حاجةٍ منك جاء يمّك خجول =ولا خذاها منك ما ترجع ألا بالطقاق!!
وكأن مأدرك حاجته قام من عندك زعول =وقام يلعن في صداقتك وأحرقها حراق!!
إن حلفت وقلت والله يكذِّب ما تقول =وأنت مأنت مصدّقه لين يحلف بالطلاق!!
وينك أنت ووين أصول الصحابة والرسول =كلِّكم يا طير شلوى صداقتكم نفاق!!
الصراحة طبعي اللي بأزول ولا يزول =وقل لكل الأصدقاء يفحصون ال AIR BAG!!
لا تجامل مع صديقك على قرع الطبول =قلِّه إني هكذا واتركه لو كان ضاق!
وفالنهاية يا صديقي قل محمد يقول =(المجامل فالتعامل من أنواع النفاق)!!

ابن نعيس


تسلم يمينك


رائع كما عهدناك


تقبل سلامي

مشكور اخوي ابن نعيس على القصيدة وصح لسانك ولسان العرم
ولك مني جزيل الشكر