|
ياطير
ياطير ياللي بالجناحين خفاق
ابنشدك عن دربك اللي مشيته عينت قلبً ضاع من وقت الاشراق دورتله فالعاصـــــمه مالقيته نسيت انا ياطير لاحط مسباق ياليتني في رجل قلبي لويته ركب جناحينه بلا ريش وسباق حاولت ارده واردعه ماقويته والضاهر انه صار للربع مشتاق في وسط شقراء حط منزال بيته وجدي وجود مكسر ايدين والساق خلوه ربعه والعدا مقـــتفيته خلوه ربعه ما الحقوله بملحاق و مات بصبر من كف ناسً بتيته من عقب صيت ومال وعيال ونياق ولا زمانه وانتهى وقت صيته على ديارً حبها وسط الاعماق بدا مع اول عمري اللي بديته |
..
الصريديح لاهنت على هالقصيده الجزله عز الله ان اللي قالها شاعر فهل هي لك ؟ |
قصيده رااائعه
صح لسان شاعرها تقبل تحياتي يالصريديح |
نعم القصيده لي وانا عضو جديد بالمنتدى صحت ابدانكم
|
ياسلام على الكلام الزين الله يعطيك العافية
|
صح لسانك اخوي الصريديح
ومشكور وبيض الله وجهك على القصيدة الرائعه ولك كل الحب والمودة |
صحت ابدانكم هلا بك شيخ القبيله واثلث
|
صح لسانك
لاهنت تحياااااااااااااااااااااااااااااتي |
صح بدنك ... وحياك الله ابن نعيس
|
لالالالالالالا يالصريديح السيحاني
الصرحه فصيده مادري متا كتبتها 0 لكن اليوم اللى قريتها فيه عرفت انك شاااااااااااااااااااااااااعر قصيده محكمه تقبل تحيات اخوك عسعس وسجلني من المعجبين في قصائدك ولا تبخل علينا بكل جديد |
| الساعة الآن »08:29 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd