كثر شوقي يخليني اكلم عقب طول افراق = وهمسة صوتك الغالي تهدي كل مافيني
ضربت الرقم بايديني وانا ملتني الاشواق = ومدري كيف يا الغالي ضربت الرقم بيديني
وجاء صوتٍ توقعته قطار محملٍ بأرزاق = اثاري رقمكم مشغول واشواقي تصاليني
وقمت احاول اكلم وانا ابحث عن الترياق = وجاني ((انتظار)) وقلت يمكنك ترديني
وثالث اتصال يدق جوالك كما الدقاق = ويزعج كل خلق الله وانا والله يسليني
اصيح بصوتي العالي كما صيحة كسير الساق = بعد ماعطيتني ((صامت)) ومحدن قبل يعطيني
ملو راسك عشان ابعد وانا ماني ابد بواق = وانا اعرف من سعى فالبعد شخصٍ ما يدانيني
لكن لازم اقوللك وانا حرفي معه ميثاق = كلامن ما سمعه احدن ومحدن قبل موحيني
انا مشتاق اكرر لك واردد لك انا مشتاق = وحبك دايماً يجري ويسبح في شراييني
احبك والله احبك.. كلامن جاء من الاعماق = وانا والله اعرف انك مثل حبي تحبيني

المشاركة الأصلية كتبت بواسطة خلف بن مرزوق 000 00 ذيباااااااااان قصيدة تفوق الوصف بحرفنة شاعر وصدق مشاعر جعلتنا نمتزج معها ونحس بتلك الاحاسيس صح لساااااااااااانك ودمت للاثراء مودتي .

المشاركة الأصلية كتبت بواسطة النشمي اصيح ابصوتي العالي كم صيحت كسير الساق الاخ ذيبان صح لسانك مليون قصيدة جزله والله يعطيك العافيه

المشاركة الأصلية كتبت بواسطة مرزوق العتيبي ... . وتبقى للابداع ذيبان .. اشواق وآهات سخرت لنا هذه الدره صح لسانك ترليوووووووووووون :) .. .

المشاركة الأصلية كتبت بواسطة فيصل المسعودي صح لسانك ملايين يالغالي شعور صادق من شاعر صادق صح لسانك يامبدع تحياتي