الغني والفقير
 

يقول الفقير

ابا اتمني عندي الفين مليووون * وبيتٍ مسوبع راكزٍ بالحمادي

وبيت شقاق البيت حرير ويكون * مخيوط في سلك الذهب خيط عااادي

وألفين خلفه والحرس ماينامووون * واربع رعايا وضح شيٍٍ وكادي

وخمسة بنوز مجهزه بالتلوفووون * والاجهزه دايم علينا تنادي

وألفين دله والأباريق مليون * وبليل مايطري عليك الرقااادي

وخمسين جمس وفوقهن خمسين صالووون * وامن الحفيز كلبوهن جدااادي

واربع عيالٍٍ لأدمس الليل يمشووون * علي أحمر الكبوت وقت البرادي

وأبا اتمني صخيف العنق مزيون * اللي عليه دموع عيني عوادي

وابسد الدين عن كل مديوووون * واصبر علي الشدات صبر المهااادي



ورد عليه صاحبه وقال ....


ياللي تمنى عندك الفين مليووون **** وبيتٍ مسوبع راكزٍ بالحمادي

والله لو عندك كثر مال قاروون **** ماينفعك شيءٍ وراه النفادي

المال كثره شر وابليس ملعون **** وكم من غنيٍ مهتنا بالرقادي

وابا تمنى يوم صرتو تمننون **** عسا يتحقق من مناي مرادي

ابي تعود القدس والرمح مسنون ***** مبغى بها داعي الخبايث تنادي

ويعود الاقصى وفيه قومٍ يصلون **** متحررينٍ تحت راية جهادي

وابغا العرب فوق الخلايق يهلّون ***** متكاتفين ورافعين الايادي

ويرجع لنا ماضي له سنين وقروون ***** وبياضها يمحي بقايا السوادي

وابا اتمنى من ثرى المال مليون ***** ماهو ببذخ ولابي غير الوسادي

منها عطى الله يقصدوني يسألون ***** واكرم ضيوف الدار حضر وبوادي

اقولها يومنكم به تقولون ***** لكني بوادي وانتم بوادي

مقدر اسد الدين عن كل مديون ***** رزق الخلايق عند رب العبادي

يعطيـــــــــــــــــــــــــــك العافيه يا النويري
وبارك الله في مرورك الجميل وابشر بكل جديد




اخـــــــــــــــــــــــــــــــــــووووك سهم العضيان

سهم العضيان


صح الله لسانك ولاهنت


قصيده وافيه يالجزل


ننتظر جديدك القادم على خير


ولك تحيتي والتقدير

رديه رائعه

وصح لسانك

ويعطيك الله الف عافيه

ولك فائق احترامي

صح لسانك وسلم بنانك

يعطيك العافيه ولاهنت

الله يسلمك يالشاهين
وما قصرت على المرور الطيب


اخــــــــوووك سهم العضيان

الله يسلمك يا اثلث ولاهنت يالقرم

اخــــــــــــــــــــــووووك سهم العضيان

الله يعافييك يالطيب
ومشكور على المرور الجميل


اخــــــــــــــــــــــــــــووووووك سهم العضيان

لاهنت


رائعه من رائع


تحيااااااااااااااااااااااااااااااتي