السلام عليكم ورحمة الله وبركاتة


القصيدة معروفة عند الكثير

لانه سبق ان غناها على العود

وانا حبيت انقلها لكم



يا غزال علق الوسم في قلبي وراح
............يحسبني مثل ناس(ن) تضيع حقوقها
مدرى اني صاحي(ن) للهجد وللصباح
.............قعيد الفكر واعرف الديار وسوقهــا
وان بغيت ارميه رميت عداوة كان طاح
.............بندقي ترمي المنايا وانا ما ابوقها
مير اخاف من المناقيد يا ضبي البراح
.............الفشق وام الفشق قافل (ن) صندوقها
حالتي حالة اسير يهدد بالسلاح
.............بين عدوان(ن) يكض الزعل بحلوقها
ودي ارسل له مع الطير خفاق الجناح
............. عن عيون(ن) بالبكى ما تخص رموقها
وان هجرني مترف العين كل شي له مباح
.............المحبة للمحــــــبين يحــــــــرق شوقــــــها
كل ما ذعذع من الشرق ذعذاع الرياح
.............اتخيل صورة(ن) غايب(ن) مخلوقهـــــــا


للشاعر الكبير / خلف بن هذال العتيبي