أنت رجّال ونعِم مير القصيده دَجّه=هو هذا رايي ما دام إنك مُصرّ وصامل
إِلك قِطع سنين فالديره مسويٍ ضجّه=أنته وناسٍ معَك مثل الحلال الهامل
عالمٍ تبغى لها ترصيص فيها رجّه=وجهَها يم الجنوب ومشيها متشامل
معك صجّونا عساكم كلكم للصجّه=باردين ولا تهُون مكيّفات ( الزامل )
جيت مَدري جَوك ثم طاروا معَك فالعجّه=ونفخوك بمدح ٍ يغطي مجلد كامل
شاعر وناقد شعر , يعني "سكود" موجّه=وافضل احوال ( الزلامي ) معك عضوٍ عامل
صَفّ لي ذهنك وركـّز لا يصيبك سجّه=قنوات (ART) للشيخ ( صالح كامل )
بدّد اوهامك ودَاو افكارك المعوجّه=لو تعيش العمر ما تـُعرف وذكـرك خامل
شعرك انت وهالرَبع واضح ما يبغى لجّه=تجربه لَكنّ فشـلت مثل الامن الشامل
وكان لك عقل انتبه قامت عليك الحجّه=انت تسألني وانا - والله - ما اعَرف اجامل
حُرّرت لك وأرسلت فأول شهَر ذا الحجّه=من رفيق ٍ لا عدوٍّ لك ولا متـحامل