ليا هاض الضمير وقمت ابني للقصيـد بيـوت=
ياكود الشاعر اللي نظم شعـره كنـه الياقـوت=
وأنا بشكي عليه الحال قـدام الزمـان يفـوت=
أنا لي وقت يافاروق أبين صوت وأخفي صوت=
على روس الغصون اللي تهزع والورق محتوت=
حبايل هالزمن تلعـب بقلبـي لعبـة البيلـوت=
هنوفٍ شكلها معدوم من صنعـا ليـا بيـروت=
لها عين ٍ ليا أغضت بالنظر ترسل سهوم الموت=
شفايفهـا طوارفهـا تقـول مخضبـة بالتـوت=
وأحليها بوضحاً يوم راعيهـا يجـر الصـوت=
غلاها فالخفوق وفي معاليـق الحشـا منحـوت=
طبعت لها على قلبي مواثيق وعهـد وكـروت=
وحياة اللي خلق موج البحور وحط فيه الحـوت=
وأظن اللعب لو فيه أربع اميـه ناتجـه كبـوت=
ليا هبت هبوب الود ومالـت وردة النيبـوت=
تعالي غطرفي لي وأقبلي للموعـد الموقـوت=
نبي نحاول نجار اللي يخل الصاخبين سكوت=
يلوح لفوح صدره لاتهامل فوق لهق النـوت=
تشكوالي وباح اللي بوسط القلـب والتابـوت=
يقول اللي دجاها في سماه البارق له سمـوت=
هنوف حطت لقلبك على ورك الذلول سبوت=
تداعا مع نسيم ٍ هب روض ٍ فيه خضر نبوت=
بهاك الدرة المندورة اللي من سبـا لجالـوت=
وألا يابدر بن شامان والله مايفـوت الفـوت=
أبفزع لك يابن شامان قبل تروح قبل تفـوت=
أخذ علم ٍ على وضح النقا يامسندي مثبـوت=
وعلى قولك قلوب الناس فيها الحاسد الشاموت=
وترى رمح الغرام اللي ذكرته مضربه مفلوت=
ولو إنك تحلى في عقاب وقصته مـع نـوت=