العين دمعه فـوق الاوجـان ذراف=والقلب كـن النـار وسطـه تشبـي
ونيت ونت واحد شيل بـا سعـاف=جرحه غميق واحمـر الـدم صبـي
قالو تطبب عنـد كاهـن وعـراف=قلت اسمحو لي خايفٍ بطـش ربـي
و جيت الطبيب وقال لي مابك خلاف=ياللعـجـب متعـافـي يستطـبـي
إن كان بك شي فـلا هـو بينشـاف=أو يمكـن أنـك يالسنافـي تحبّـي
قلت آه حبي واصلٍ حـد الأسـراف=أحـب والمحبـوب جـوره لعبّـي
في بحر حبي عايـشٍ دون مجـداف=والحـض قـارب والليالـي مهبّـي
لي صاحبٍ ماهو على القلـب رواف=لامـن طلبتـه حـاجـةٍ مايلـبّـي
أنا لغيره من هوى البيـض عيـاف=غيره فلا احـدٍ لـه بقلبـي مطبّـي