عبس وجه الزمن والوقت دالـه = ولايعرف حرامه مـن حلالـه
جرايم ترتكـب فـي مجتمعنـا = عجب والسيف يقطع ما بدالـه
قصص في مجتمعنـا واقعيـه = رساله ما نسجهـا مـن خيالـه
ولاكن المصيبه وسـط قصـه =تشيل من العنا فـوق احتمالـه
فتاه ومدمنـه وش عـاد باقـي =تشـم البـودره حتـى الثمالـه
عسى ماشـر ياعصـر التقـدم =عسى ما شر ياوجيـه الشكالـه
فتـاة يعربيـه مــن بلـدنـا =تعاطى السم وانـواع الفسالـه
وهي كانت ضيا بـارق سناهـا = كما بدر الدجـى ليـل اكتمالـه
خساره بنت عصمان الشـوارب =شرفها راح مـن يدهـا غيالـه
لان الوالد اللـي جـاب بنتـه =نساها والتهـى يطـرد ريالـه
ويمكن بعضهم ساهـي ولاهـي =ولا يدري وش اسم اصغر عياله
يبـي يسعـد بناتـه فعتـقـاده = وشراله علة مـن حـر مالـه
فضائيـات بيـديـن الصبـايـا =برامج من سفالـه فـي سفالـه
رزان ومع رزان الفين عاهـر = تـروج للتعـري والـرزالـه
على الشاشه تشوف البنت قدوه = مثل صارت وهي اصلا حثالـه
تشـرب قلبهـا فلتـة زمـانـه = تحـب ديـاب وتقلـد اصالـه
طلب سايق وزاد الطيـن بلـه = يحـط نسـاه بيديـن العمـالـه
مع السايق بتال الليـل ترجـع = بلا محـرم تجـي والله حالـه
تقول البنت انا عنـدي زميلـه =بتال الليـل ماصـارت زمالـه
لان الوالـده تسـرح وتمـرح = وطلتهـا علـى ابنتهـا جمالـه
ولاتـدري وشنهـي صاحبتهـا = ولا وش صار له والا جرالـه
الا يالله تستـر كــل مسـلـم = اسالك يامجيب من سعـى لـه
تجنبنـا دروب الشـر واهلـه = وتحمينا مـن اسبـاب الجهالـه