الهيـــــــــــــلا *** منتدى قبيلة عتيبة - مـن زراق اعيونها ظني جرحت اصيامي

أهـــــــــــداء لادارة وأعضـاء وزوار منتدى عتيبه الـهـيلا00
ولا تسألوني عن صاحب القصيده

رحت (مانسشتر)غشيم ولا معي شمسيه 00000غرْق اثيابي مطرها وبردن اعظامي

أنـتـفــض مـن شــا فـنـي قال به جنيه00000يوم صارالثلج من خلفي ومن قدامي

من نشـد ني قلت طيب والعلل مخفيه00000واطين على هوى نفسي بعرض اقدامي

رحت ابا استاجر( فيات)ورخصتي دوليه00000جا دركسونه يمين وصار دفع امامي

وسقت مع شارع( رشم) وامشي حوالي ميه00000امتيامن لكن الشارع نطحني حامي

وصدمت من سبتي عجوزن اعليميه00000وقامت اتصايح وتلعن ساعتي وايامي

ثم هربت وربي اللي عالمن بالنيه00000تحسبني هندي(ن)والا بعد فتنامي

ولحقتني نجد تن اتسوقها شرطيه00000من زراق اعيونها ظني جرحت اصيامي

قالت انت اللي عكست الشارع قبل اشويه00000عطني البسبورت واطلب ياغشيم امحامي

يوم شافت صورتي بالغتره المكويه00000أسألت( تملك من البترول بير(ن)خامي

قلت انا ملكي قليبن فاسفل الفرعيه00000هادم الوادي طرفها يوم سال العامي

ان بغينا حفرها ماش ميزانيه00000وان ورد ذودي علاها صدرن احيامي

واسمحتلي بنت ( ميجر)يومها نشميه00000واعذرتني عن شعوب العالم المتنامي

وصرت اقظي لازمي مشين على رجليه00000والصلاه اركض لها فالمركز الاسلامي